பதிவுகள்

கிறுக்கல்கள் - ஒன்று

2011-08-27T19:01:00.001-06:00

மறுபடி எதாவது கிறுக்கலாம் என்று இருக்கிறேன். ரொம்ப நாளா இந்த பக்கமே வரல. இந்த பக்கத்தை ஆரம்பிச்சு எதாவது எழுதலாம் என்று இருந்தேன். எழுத தெரியல. மறுபடி எனது வாசிப்பை துவங்கி இருக்கிறேன். மறுபடி சுஜாதா. சில புத்தகங்களை ஆன்லைன் ல வாங்கி படிக்க ஆரம்பித்து இருக்கேன். சுஜாதாவின் கற்றதும் பெற்றதும். ஆனந்த விகடனில் தொடராக அவந்தபோது படித்தது. அதன் பிறகு புத்தகமா வந்தபோது வங்கிப் படித்தேன். சில சமயம் இணையத்தில் படித்ததுண்டு. ஒவ்வொரு தடவை படிக்கும்போது, அடையும் இன்பத்துக்கு அளவே இல்லை. தினமும் அலுவலகத்தில், உணவு இடைவேளையின் போது நாலைந்து அத்தியாயங்கள் படிப்பேன். சுகம். படித்துக் கொண்டே இருக்கலாம் போல் இருக்கும். அதற்குள் முடிந்து விட்டதே! இன்னும் வாங்கிப் படிக்க வேண்டும். படிக்க பொறுமை வேண்டும், அதை விட எழுத. பள்ளியில் படிக்கும் போது நிறைய படிப்பேன், எழுதுவேன். விவாதிக்க நிறைய பேர் இருந்தார்கள். இப்போதெல்லாம், தமிழ் படித்தவர்களை காண்பதே அரிதாக இருக்கிறது. சுஜாதா, எப்படி இவ்வளவு விசயங்களை தெரிந்து வைத்துள்ளார் என்று வியப்பாக இருக்கிறது. எல்லாத்தையும் படித்து, புரிந்து அழகாக, எளிய நடையில் எழுதுகிறார். ம்ம்..பார்க்கலாம். நாமும் எதாவது எழுதலாம். அட..எழுதிதான் பாக்கலாமே. எப்படி ஆரம்பிப்பது? ஒரு பக்க கதை எழுதலாமா? சிறுகதை? விஞ்யான சிறுகதை? இல்ல கற்றதும் பெற்றதும் போல , பார்த்ததை, படித்ததை, அனுபவங்களை எழுதலாமா? தெரியல...ஆனா எதையாவது எழுதி 'நடை' பயில வேண்டும். தோணுவதை எல்லாம் எழுதலாம் என்று இருக்கிறேன்.

விண்ணைத் தாண்டி வருவாயா - விகடன் விமர்சனம்

2010-03-04T17:10:00.001-07:00

தன்னைத் தானே தாண்டி வர முடியாமல் தவிக்கிறாள் காதலி... என்ன நடக்கும் என்பது கதை!

சிம்பிள் காதல் சினிமா. ஆனால், சிம்பு - த்ரிஷாவின் கெமிஸ்ட்ரி... கிளாஸிக். 23 வயது வரை ஐந்தே சினிமாக்கள் மட்டுமே பார்த்திருக்கும் த்ரிஷாவை, சினிமா இயக்குநர் கனவில் இருக்கும் 22 வயது சிம்பு காதலிக்கிறார். மனம், மதம், இனம் எனப் பல காரணங்களை அடுக்கி சிம்புவின் காதலைத் தவிர்க்கும் த்ரிஷா என்ன செய்தார் என்பதைச் சொல்கிறது செம வித்தியாச கிளைமாக்ஸ்!

'காதல் டிலைட்' கௌதம் மேனனின் 'காதலர் ஸ்பெஷல்' படம். 'என் கண்ணு வழியா உன்னை யாரும் பார்க்கலை போல!', 'உன்னை முதல் தடவை பார்த்தப்ப, உன் தலைக்கு மேல இருந்த நிலா ஃபேடாகி அவுட் ஆஃப் ஃபோக்கஸ் ஆகிருச்சு!', 'இனி எல்லாம் முடிஞ்சுபோச்சுன்னு நினைச்சேன். 'நினைக்காதே... முடிஞ்சு தான்போச்சு'ன்னு சொன்னா!' என அழகழகான க்ரீட்டிங் கார்டு வசனங்களே படம் முழுக்கக் காதல் நிரப்புகிறது.

வம்புதும்பு செய்யாத, விரல் வித்தை காட்டாத ஸ்மார்ட் சிம்பு. 'இவருக்குள் இப்படி ஒரு கிளாஸிக் ஆக்டரா?' என்று பல இடங்களில் நம்மை ஆச்சர் யப்படுத்திக்கொண்டே இருக்கிறார். காதலில் விழுந்து, கசிந்து, நெகிழ்ந்து, மகிழ்ந்து, தவித்து... மாஸ்டர்பீஸ் கச்சிதம். வெளிநாட்டுப் பூங்காவில் த்ரிஷாவிடம், 'என் வாழ்க்கையிலும் ஒரு பொண்ணு கடந்துபோனா!' என்று ஆரம்பித்து, கண்ணீர் மறைத்து, வேதனை கடித்து, காதலில் வெம்பும் இடத்தில்... மார்வெலஸ் சிம்பு! இதுவரையிலான கிளாமர் ஹீரோயின் இமேஜ் துடைத்து, பளிச் பக்கத்து வீட்டுப் பெண் தோற்றத்தில் த்ரிஷா... ஸோ க்யூட்! 'நண்பன்' சிம்புவின் குறும்புகளுக்கு இரும்புக் கதவாகப் பூட்டிக்கொள்வதும், ரயில் பயண முத்தங்களின்போது கதவிடுக்குக் குளிர்க் காற்றாக நெகிழ்வதும்... ஏரியா ஏஞ்சல் அழகு!

'நான் பெரிய ஆளுடா... எந்தப் பிரச்னை வந்தாலும் நான் பாத்துக்கிறேன்' என்று உதார்விடுவதும், 'இது மட்டும் கோடம்பாக்கத்துக்குத் தெரிஞ்சா... அவ்வளவுதான்!' என உதறுவதுமாக காதல் கதையில் கலகலப்பு சேர்க்கிறார் 'ஒளிப்பதிவாள நண்பர்' கணேஷ்ஒவ்வொரு வார்த்தையிலும் காதல் தொனிக்கும் தாமரையின் பாடல்களுக்கு ஒவ்வொரு துடிப்பிலும் காதல் தவழவிடுகிறது ஏ.ஆர்.ரஹ்மான் இசை. ஆஸ்கருக்குப் பிறகான ரஹ்மான் டச்சில் 'ஹோசோனா', 'ஓமனப் பெண்ணே...' பாடல்கள் சர்வதேசச் சரக்கு.

இருள், பால் வெள்ளை நிலா, தென்னை மரங்கள், கரையோர வீட்டு வாசல் த்ரிஷா... கேரள அழகைக் கொள்ளைகொள்ளும் மனோஜ் பரமஹம்சாவின் கேமரா மொத்தப் படத்துக்கும் ரம்மிய டோன் சேர்க்கிறது.

முதல் பாதி காதல் ஃபீல்... பின்பாதி ஆரம்பித்ததுமே வற்றி வடிந்துவிடுவது ஏனோ கௌதம்? திரும்பத் திரும்ப, 'அப்பாவுக்குப் பிடிக்கணும்!' என்று கிளிப்பிள்ளை காரணம் சொல்லி, காதலை அத்தனை சிக்கலாக்கிக்கொள்ளும் த்ரிஷாவின் மனநிலையில் ஏன் அத்தனை குழப்பம்? முகவரி இல்லாமல், காதலிக்கிறாளா என்று தெரியாமல் காதலியைத் தேடிப் போகும் ஹீரோ, இரவு ரயில் பயணங்கள், வில்லனுக்கு கௌதம் மேனனின் குரல், மெக்கானிக்கல் இன்ஜினீயர் ஹீரோ, அத்தனை நடனங்களிலும் உடலை வளைத்து மடக்கி, ஒடித்து ஆடும் அமெரிக்க டான்ஸர்கள் என்று படம் நெடுக கௌதம் கிளிஷேக்கள்! முதல் பாதிக் காட்சிகளே இரண்டாம் பாதியை மீண்டும் மீண்டும் நிரப்பும் சமயங்களில், கண்ணைக் கட்டுவதைத் தவிர்க்க முடியவில்லை!

அநாவசிய நீளம், ஓயாத பேச்சு என்று சிலபல குறைகள் இருந்தாலும், கௌதம் மேனனின் காதல் பரிசுக்காக டிராஃபிக் தாண்டி தியேட்டர் தொடலாம்!

நன்றி : விகடன்

ஹர்ட் லாக்கர்

2010-03-03T17:23:00.003-07:00

ஹர்ட் லாக்கர்!

இராக்கில் நடக்கும் போரில், வெடி குண்டுகளை செயலிழக்க செய்யும் ஒரு குழுவின் செயல்பாடுகளை கூர்ந்து காட்டும் படம். கேதரின் என்ற பெண் இயக்குனரின் இந்தப் படம் ஆஸ்கர் பரிசுக்காக பரிந்துரைக்கப் பட்டுள்ளது. ஒரு போர்க்களத்தின் செயல்பாடுகளை எந்தவித ஆரவாரமும் இன்றி விறு விறுப்பாகவும், ஆழமான செய்தியோடும் சொல்லியிருக்கிறார்கள்.

முதல் காட்சியில் ஒரு தெருவில் வைக்கைபட்டுள்ள வெடிகுண்டுகளை செயலிழக்க செய்ய வீரர்கள் வருகிறார்கள். இரண்டு வீரர்கள் 'snifer' உடன் தெருவில் உள்ளவர்களை நோட்டமிட, ஒரு தானியங்கி இயந்திரத்தை வேண்டிகுண்டு இருக்கும் இடத்தை நோக்கி அனுப்புகிறார்கள். அது பாதியில் செயலிழந்து விட , வெடிகுண்டு நிபுணர் ஒருவர் அதை பழுது பாக்க செய்கிறார். வீரர்களின் ஒவ்வொரு செயல்பாடுகளையும், வேடிக்கை பார்க்கும் மக்களையும் காட்டுகிறார்கள். தீடீரென்று சல சசலப்பு.... ஒரு கறிக்கடையில் நின்று ஒருவர் தொலைபேசியில் பேசிக்கொண்டிருக்கிறார்... அவரை சந்தேகிக்கும் அமெரிக்க வீரர்கள், வெடுகுண்டு நிபுணரை எச்சரித்து திரும்ப அழைக்கிறார்கள். அவர் ஓடிவரும்பொழுது, குண்டு வெடிக்கிறது!!!!

இதே போன்று மூன்று குண்டுகளை செயலிக்க இந்த குழு படும் பாடு தான் படம்! மிக அழகான திரைக்க்கதை, ஒளிப்பதிவு, படத்தொகுப்பு, நம்மை இரண்டு மணிநேரம் கட்டிப் போட்டு விடுகிறது. ஒவ்வொரு முறையும் வெடிகுண்டை செயலிக்க செய்யும்போது மரணத்தின் வாசலை எட்டிப் பார்க்கிறார் "Bomb Specialist' ஆகா வரும் "ஜெரேமி". இப்படி தினம் தினம் குண்டுகளுடன் வாழ்க்கை நடத்தி வரும் இராக், ஆப்கான் மக்களை நினைக்கும் போது துயரமாக உள்ளது. படத்தில் இறுதியில் ஒரு மனித வெடிகுண்டை செயலிழக்க முயல்கிறார் ஜெரேமி. ஒரு அப்பாவி இராகியின் உடலில் வெடிகுண்டுகளை அனுப்பி விடுகிறார்கள் தீவிரவாதிகள். அந்தக் கட்சியை பார்க்கும் போதே வேதனையான உள்ளது...

பார்க்க வேண்டிய படம்!

முன்னோட்டத்தைப் பார்க்க இங்கே ....

http://www.youtube.com/watch?v=2GxSDZc8etg

சகாயம் ஐ ஏ எஸ்

2009-11-22T14:22:00.002-07:00

இந்த வாரம் விகடனில் வந்த கட்டுரை.... இப்படியும் ஒரு சிலர் இருக்கிறார்கள் என்று நினைக்கும் போது மகிழ்ச்சியாக உள்ளது .

''என்னை கோயம்புத்தூருக்கு டிரான்ஸ்ஃபர் பண்ணியிருந்த நேரம். என் பொண்ணு யாழினிக்கு அப்போ மூணு வயசு. திடீர்னு ஒருநாள் ராத்திரி அவ மூச்சுவிட சிரமப்பட்டா. ஹாஸ் பிடலுக்குத் தூக்கிட்டுப் போனா உடனே அட்மிட் பண்ணச் சொல்லிட் டாங்க. மாசக் கடைசிங்கிறதால கையில ஆயிரம் ரூபாய்கூட இல்லை. புது ஊரு. அறிமுகம் இல்லாத மனுசங்க. எனக்குக் கீழே வேலை பார்க்குறவங்ககிட்ட கடன் கேட்கவும் சங்கடமா இருந்துச்சு. காஞ்சிபுரத்துல நான் வேலை பார்த்துட்டு இருந்தப்ப, எனக்கு நண்பரான ஒரு ஸ்கூல் டீச்சரும் அப்ப கோவைக்கு டிரான்ஸ்ஃபர் ஆகி வந்திருந்தாரு. அவர்கிட்ட தயங்கிட்டே நாலாயிரம் ரூபாய் கடன் கேட்கவும், அரை மணி நேரத்துல கொண்டுவந்து கொடுத்தார். உடனே, குழந்தைக்கு ட்ரீட்மென்ட் ஆரம்பிச்சுட்டோம். ஆனா, சம்பளம் வாங்கினதும் அந்தக் கடனை அடைச்சதும்தான் என் மனசுல இருந்த பாரம் இறங்குச்சு!''

சகாயம் ஐ.ஏ.எஸ்., நாமக்கல் மாவட்ட ஆட்சியர். மதுரையில் ஒன்பது லட்ச ரூபாய் மதிப்பில் எல்.ஐ.சி. ஹவுஸிங் லோன் மூலம் கட்டப்பட்ட ஒரு வீடு, வங்கியில் 7,172 ரூபாய் சேமிப்பு எனப் பகிரங்கமாகத் தனது சொத்துப் பட்டியலை வெளியிட்ட இந்தியாவின் முதல் ஐ.ஏ.எஸ்., அதிகாரி சகாயம். 'லஞ்சம் தவிர்த்து நெஞ்சம் நிமிர்த்து' வாசகத்துக்குக் கீழ் தலை நிமிர்ந்து அமர்ந்திருக்கிறார் சகாயம்''நான் அந்த கோயம்புத்தூர் சம்பவத்தை ஏன் சொல்றேன்னா... அப்ப என் கன்ட்ரோல்ல 650 மதுபானக் கடைகள் இருந்தன. லைசென்ஸ் புதுப்பிக்க கடைக்குத் தலா 10 ஆயிரம் ரூபாய்னு கொடுக்கத் தயரா இருந்தாங்க. நான் ஒரு வார்த்தை சொல்லியிருந்தா, அடுத்த அஞ்சாவது நிமிஷம் 65 லட்ச ரூபாய் என் வீடு தேடி வந்திருக்கும். ஆயிரம் ரூபாய்கூட கையில் இல்லாத, மகளுக்கு உடம்பு சரியில்லாத சூழ்நிலையில் மனநிலை என்ன மாதிரி இருக்கும்னு யோசிச்சுப்பாருங்க. ஆனா, அதெல்லாம்தான் ஓர் அரசு அதிகாரியின் நேர்மைக்கான சோதனை.

நேர்மையா இருக்குறதுல ஒரே ஒரு சிக்கல் மட்டும்தான். நாளுக்கு நாள் நமக்கு எதிரிகள் அதிகரிச்சுட்டே போவாங்க. அவங்களை மட்டும் சமாளிச்சுட்டாப் போதும்!'' - தடதடக்கும் வார்த்தைகளில் கொப்பளிக்கிறது உற்சாகம்.

''புதுக்கோட்டை மாவட்டம் பெருஞ்சுனை குக்கிராமம்தான் என் ஊரு. 'மத்தவங்க தோட்டத்து மாங்காய் தெருவுல கிடந்தாக்கூட எடுத்துட்டு வரக் கூடாது'ன்னு சொல்ற அம்மா. 'நீ படிச்சு கலெக்டர் ஆகி, உதவின்னு கேட்டு வர்றவங்களுக்கு எல்லாம் உதவணும்டா'ன்னு சொல்லிட்டே இருக்குற அப்பா. 'கலெக்டர்தானே... ஆயிடுவோம்'னு படிச்சேன். ஆயிட்டேன். வேலைக்குச் சேர்ந்த முதல் நாள் நம்ம மனசு எந்தளவுக்குப் புத்துணர்ச்சியோடவும் புனிதமாகவும் இருக்கோ... கடைசி நாளின்போதும் அதே உணர்ச்சியோடு ஓய்வு பெறணும்னு மட்டும் முடிவு பண்ணேன்.

காஞ்சிபுரத்துல டி.ஆர்.ஓ-வா இருந்தப்ப ஒரு பெரியவர் தான் வாங்கிய பெப்சியில் அழுக்குப் படலம் இருந்ததாகப் புகார் கொடுத்தார். சாம்பிளை லேப் டெஸ்ட்டுக்கு அனுப்பினதுல, 'மனிதர்கள் குடிக்க ஏற்ற பானமில்லை'ன்னு ரிப்போர்ட் வந்தது. சட்டப்படி அந்த நிறுவனம் மேல என்ன நடவடிக்கை எடுக்கணும்னு ஒரு அறிக்கை தயாரிச்சேன். ரொம்ப யோசனைக்குப் பிறகு தாசில்தார்கிட்ட எட்டு பூட்டு மட்டும் வாங்கிட்டு வரச் சொன்னேன். எதுக்குன்னு புரியாம வாங்கிட்டு வந்தவரைக் கூட்டிக்கிட்டு மதுராந்தகத்துல இருக்குற பெப்சி கம்பெனிக்குப் போனேன். நான் தயாரித்த அறிக்கையின் ஒரு நகலை கம்பெனி மேனேஜர்கிட்ட கொடுத்துட்டு, 'கம்பெனியைப் பூட்டி சீல்வைக்கப் போறோம். எல்லாரையும் வெளியே வரச் சொல்லுங்க'ன்னு சொன்னோம். அந்த மேனேஜரைவிட என்கூட வந்த தாசில்தார் ஆடிப் போயிட்டாரு. 'சார்... பெரிய பிரச்னை ஆயிடும். எதுக்கும் கலெக்டரை ஒரு வார்த்தை கேட்டுக்கலாம்'னு பதறுனாரு. 'கலெக்டரைக் கேட்டா சீல்வைக்க விட மாட்டாரு. சட்டப்படி இந்தக் கம்பெனியை மூட நமக்கே அதிகாரம் இருக்கு. நீங்க தைரியமா உங்க கடமையைச் செய்யுங்க'ன்னு அவரை உள்ளே அனுப்பினேன். ஒரு மணி நேரம் கழிச்சு இன்னும் பதற்றத்தோடு வெளியே வந்தவரு, 'சார்... அவங்க அமெரிக்கா வரைக்கும் பேசுறாங்க சார். சி.எம்-கிட்ட பேசுறதாச் சொல்றாங்க சார். என்ன பண்ணலாம்?'னு கேட்டாரு. 'உள்ளே இருக்கிறவங்களை அரெஸ்ட் பண்ணிட்டு சீல்வைக்க வேண்டியதுதான்'னு நான் சொல்லவும்தான் எல்லாரும் பயந்து வெளியே வந்தாங்க. கம்பெனியை இழுத்து மூடி, எட்டு பூட்டுகளையும் போட்டு சீல்வெச்சுட்டோம். நான் உடனே அலுவலகத்துக்குப் போகாம ஒரு குக்கிராமத்துக்குப் போயி ரேஷன் கடை, பள்ளிக்கூடத்தை எல்லாம் ஆய்வு பண்ணி முடிச்சுட்டு, ராத்திரி எட்டு மணிக்கு வீட்டுக்கு வந்தேன். என் மனைவி வாசல்லயே காத்துட்டு இருந்தாங்க. கலெக்டர், சீஃப் செக்ரெட்டரி, உள்துறைச் செயலாளர்னு பலரும் என்னைக் கேட்டு வீட்டுக்கு போன் பண்ணிஇருக்காங்க. நான் திரும்ப எல்லோருக்கும் போன் பண்ணா, 'யாரைக் கேட்டு சீல்வெச்சீங்க? என்ன காரியம் பண்ணியிருக்கீங்க தெரியுமா?'ன்னு எல்லாரும் கேள்வி கேட்டாங்க. 'நான் என் கடமை யைத் தான் சார் செஞ்சேன். மக்களுக்கு நல்லது செஞ்சதுக்காக சஸ்பெண்ட் பண்ணா, தாராளமாப் பண்ணிக்கோங்க'ன்னு சொல்லிட்டேன். மறு நாள் எந்தப் பத்திரிகைலயும் பெட்டிச் செய்தியாக்கூட பெப்சிக்கு சீல்வெச்ச சம்பவம் ரிப்போர்ட் செய்யப்படவே இல்லை. ரெண்டு நாள் கழிச்சு ஜூனியர் விகடன்ல மட்டும் அந்தச் செய்தி விரிவா வந்திருந்தது. அதுக்குப் பிறகுதான் பெப்சிக்கு நான் சீல்வெச்ச விஷயமே வெளி உலகத்துக்குத் தெரிஞ்சது.இதுவரை 15 இடங்களுக்கு என்னை மாத்தி மாத்திப் பந்தாடிட்டாங்க. இப்போதான் முதன்முதலா நாமக்கல் மாவட்டத்துக்கு கலெக்டர் ஆகியிருக்கேன். மாவட்டம் முழுக்க ஒரு கோடி மரக் கன்றுகள் நடத் திட்டமிட்டு, ஏழு லட்சம் மரக் கன்றுகளை நட்டாச்சு. அவற்றின் முறையான பராமரிப்புக்கும் ஏற்பாடு பண்ணியாச்சு. இன்னும் 10 வருஷத்துல அதிக மரங்கள் உள்ள மாவட்டமாக நாமக்கல் இருக்கும்.

ஏற்கெனவே நொந்து போயிருக்கும் விவசாயிகளை, 'குறை தீர்க்கும் கூட்டத்துக்கு வா'ன்னு ஒவ்வொரு மாசமும் கலெக்டர் ஆபீசுக்கு அலைக்கழிக்கிறது நல்லாவா இருக்குன்னு நானே விவசாயிகளைத் தேடிப் போக ஆரம்பிச்சேன். ஒருநாள் ராத்திரி முழுக்க அந்தந்த கிராமத்துலயே தங்கி, அவங்க குறைகளை வாழ்ந்து பார்த்துட்டு வருவேன். அப்பதான் அவங்க சொல்றதுக்கு முன்னாடியே அவங்க குறைகள் என்னன்னு நாமளே உணர முடியும்!'' என்கிற சகாயம், தன் மகள் யாழினியை மடியில் வைத்துக்கொண்டு, ''சொல்லுடா குட்டி... உயர உயரப் பற... வானம் வசப்படும்!'' என சொல்லிக் கொடுக்கிறார்.

நன்றி : விகடன்

2009-10-01T17:52:00.003-06:00

உன்னைப் போல் ஒருவன் படம் பார்த்தேன். ரொம்ப நாள் கழித்து தியேட்டருக்கு சென்று பார்த்த படம். நல்ல படம். கமல், மோகன் லால், அவருக்கு கீழ் பணிபுரியும் இரண்டு போலீஸ் அதிகாரிகள், டிவி நிருபர் உட்பட அனைவரும் சிறப்பாக நடித்திருந்தனர்.வசனத்தை சிறப்பாக எழுதி இருந்தார் முருகன். ஒளிப்பதிவும் மிக அருமை. ஹிந்தி படத்தை விட மிக அருமையாக இருந்தது. செயற்கையான பாடல் கட்சிகள் இல்லாமல், காமெடி என்ற பெயரில் ஆபாசம் செய்யாமல் இரண்டு மணி நேரத்தில் விறு விறுப்பான படம்!

படம் வெற்றிப் பெற்றதை தொடர்ந்து, கமல் பல டிவி நிகழ்ச்சிகளில் பங்கு கொண்டு படத்தின் வெற்றியைப் பற்றி சிலாகித்து பேசினார். Youtube இல் பார்த்தேன். அதிர்ந்தேன். தான் தான் இந்த வெற்றிக்கு முழு காரணம் என்பது போல பேசி மற்றவர்களை எல்லாம் இருட்டடிப்பு செய்தார். ஸ்ருதியைப் பற்றி பேசியதை விட மற்றவர்களை பற்றிப் பேசியது ரொம்ப கம்மி. பலரும் வசனத்தை பெரிதும் பாராட்டினர். உண்மை. வசனங்கள் எல்லாம் மிக அருமையை இருந்தது. ஆனால், படத்தின் வசனகர்த்தாவான முருகனைப் பற்றி பேச்சே இல்லை. அவருடைய பேரை எந்த இடத்திலும் உச்சரிக்கவே இல்லை! அதை விடக் கொடுமை, இந்தக் கதையை தானே சிந்திததுபோல் பேசியதுதான். இந்தப் படத்தின் வெற்றிக்கு பெரும் காரணம் படத்தின் கதை. அது கதையின் சொந்தக் காரரான நீரஜ் க்கு மட்டுமே போய் சேரும்.

இன்னொரு கொடுமை மோகன் லாலைப் பற்றி பேசாதது. உண்மையிலேயே , கமலை விட எனக்கு லாலின் நடிப்புதான் பிடித்திருந்தது. அனுபம் கேர் ரை விட பல மடங்கு சிறப்பாக செய்து படத்தை துடிப்புடன் கொண்டு செல்பவர் அவர்தான். இப்படி எல்லாரையும் இருட்டடிப்பு செய்து, ஏன் இப்படி சுய தம்பட்டம் அடித்துக் கொள்கிறார் என்று தெரியவில்லை. அதிலும் தான் மகளைப் பற்றி ஒரே பேச்சு. கமல் ஒரு சிறந்த நடிகர் , நல்ல சினிமா அறிவுடையவர் என்பதில் சந்தேகம் இல்லை. ஆனால், மற்றவரை பாராட்டும் குணம் இப்பொழுது அவரிடம் குறைந்து வருகிறது. "நான்" என்ற ஆணவமோ?

இந்தக் கதையைப் போல, சுயமாக சிந்தித்து, வருங்காலத்தில் நல்ல படங்களை ( தசாவதாரம் போல் இல்லை!) கமல் எடுப்பார் என்று நம்புவோமாக.

விகடன் விமர்சனம் : ஈரம்

2009-09-18T14:58:00.001-06:00

மனதில் ஈரம் இல்லாதவர்களை அந்த 'ஈரம்' பழி வாங்கினால்... அதுதான் கதை!அபார்ட்மென்ட் குளியல் அறையில் இறந்துகிடக் கிறார் சிந்து மேனன். கள்ளக்காதல் விவகாரம்தான் சிந்துவின் மரணத்துக்குக் காரணம் என அடித்துச் சொல்கிறது அக்கம்பக்கம். ஆனால், 'நிச்சயம் சிந்து அப்படிப்பட்டவர் அல்ல' என்று உறுதியாக நம்புகிறார் காவல் துறை விசாரணை அதிகாரியான ஆதி. காரணம், அவரும் சிந்துவும் முன்னாள் காதலர்கள். தற்கொலைக்கான ஆதாரங்களை ஒதுக்கிவிட்டு, கொலைக்கான சந்தேகங்களைத் தோண்டித் துருவுகிறார் ஆதி. ஆனால், சிந்துவின் மரணத்தைத் தொடர்ந்து அதே அபார்ட்மென்ட்டில் வசிப்பவர் கள் மூவர் கொடூரமாக மரணம் அடைகிறார்கள். நான்காவது மரணத்தை நேரில் பார்க்கும் ஆதிக்கு கொலைகளைச் செய்வது மனிதர்கள் அல்ல; ஒரு அமானுஷ்ய சக்தி என்பது தெரிகிறது. சிந்து மேன னின் மரணம் கொலையா, தற்கொலையா,தொடர்ச் சியான மரணங்களுக்குக் காரணம் என்ன என்பதை முதுகுத் தண்டு ஜில்லிட விளக்குகிறது ஈரம்!

ஓர் இடத்தில்கூட பேயைக் காட்டாமல், தண் ணீர்த் துளிகள் மூலமாகவே த்ரில் கூட்டும் திரைக்கதை அமைத்து அழுத்த முத்திரை பதிக்கிறார் அறிமுக இயக்குநர் அறிவழகன். மிக இயல்பாக ஆதி-சிந்துமேனன் காதல் நினைவுகளும், சிந்து மேனன் மரணத்தின் சஸ்பென்ஸ் முடிச்சுமாக முதல் பாதி அசத்துகிறது. கொலை நடக்க இருக்கும்போது எல்லாம் ஆதிக்கு குறிப்பு உணர்த்த வரும் சிவப்பு நிறம் ப்ளஸ் தண்ணீர் காம்பினேஷன் ஐடியா... அபாரம்!

மனோஜ் பரமஹம்சாவின் ஒளிப்பதிவில் திரையில் விரியும் காட்சிகள்தான் படத்தின் முதல் ஹீரோ. நைச்சியமாக நழுவுவதும் ஆக்ரோஷமாகப் பாய்வதுமாக ஒரு கேரக் டராகவே மாறி பரவசப்படுத்தி திகிலூட்டி மிரட்டுகிறது தண்ணீர் காட்சிகள். காதல் மயக்கமும் போலீஸ் புன்னகையுமாக ஆதி அட்டகாசப்படுத்துகிறார். கல்லூரி இளைஞனின் அசட்டையிலும் காவல் அதிகாரியின் இன்டெலி ஜென்ட்விறைப்பிலும் அட்டகாசமான உடல்மொழி வேறுபாடுகள். சிவப்பு ப்ளஸ் தண்ணீர் குறிப்புகளைக் கடக்கும்போது எல்லாம் ஆதியின் பதற்றம் நமக்கு உதறலைக் கொடுக்கிறது. இயல்பான அழகுடன் இருக்கும் சிந்து மேனன் அதே இயல்புடன் நடிக்க வும் செய்கிறார். திருச்சி கல்லூரியின் சராசரி மாணவி, புது மணப் பெண் எனத் தோன்றும் ஃப்ரேம்களில் எல்லாம் கச்சிதக் கவிதை. வில்லனாக நந்தா. டி.வி-யில் ஒளிபரப்பாகும் பாடலை சிந்து மேனன் முணுமுணுக்க, அது பிடிக்காமல் நொடிக்கு ஒரு முறை மாறும் நந்தாவின் முகபாவங்கள் கிளாஸ்.

கிறுகிறு த்ரில் திகில் கூட்டும் திரைக்கதை, இரண்டாவது பாதியின் ஆரம்பத்திலேயே சுணங்கி அடங் கிப் போவதுதான் ஏமாற்றம். சிந்துவின் மரணத்துக்கு யார் காரணம் என்கிற ஃப்ளாஷ்பேக்கை ரொம்ம்ம்பவே நிதானமாகச் சொல்கிறார்கள். கொலையாளி

யார் என்ற உண்மை தெரிந்தவுடனேயே படம் முடிந்துவிடுகிறதே! ஆனால், அதன் பிறகும் க்ளைமாக்ஸ் வருவேனா என்று அடம் பிடிக்கிறது. தண்ணீரை வசப்படுத்தி சகலரையும் சாகடிக்கும் வல்லமைபெற்ற சிந்துவின் ஆவி, நந்தா விஷயத்தில் மட்டும் தட்டுத் தடுமாறுவது ஏனோ? தன்னிடம் ஒருவன் சொன்னதை நந்தாவிடம் சொல்லும் வாட்ச்மேனைக் கூடவா சிந்து மேனனின் ஆவி கொல்லும்?

அறிமுகம் என்றாலும் தமனின் பின்னணி இசை படத்துக்கு எக்ஸ்ட்ரா டெரர் ஏற்று கிறது. நேர்த்தியான கதை சொல்லும் பாணியால் தமிழ் சினிமாவில் நம்பிக்கை மனிதர்கள் பட்டியலில் இடம்பிடிக்கிறார் இயக்குநர் அறிவழகன்!

நன்றி : விகடன்

இலவச திருமணங்கள் தேவையா?

2009-09-09T15:28:00.002-06:00

எப்போதான் இந்த இலவசங்கள் நிற்குமோ? இரண்டு லட்சத்து 29 ஆயிரம் திருமணங்களை நிதி கொடுத்து நடத்தியதை பெருமையாக சொல்லிக் கொள்ளும் மாநிலம் தமிழ் நாடாகத்தான் இருக்கும். எத்தனையோ பேர் ஒரு வேலை சாப்பாட்டுக்கு இல்லாமலும், துணி இல்லாமலும், அடிப்படை வசதிகள் இல்லாமலும் தவிக்கின்றனர். இங்கு என்னடா ன்ன, இலவச தொலைக்காட்சியும், பொங்கல் வெய்க்க மாளிகை சாமானும், குறைந்த விலையில் தரமான மதுவும் கொடுக்கிறார்கள். மக்கள் பணத்தில் தனது பிறந்தநாளை சீரும் சிறப்புமாக கொண்டாடுகிறார்கள். கடைசியாக "இவற்றை எல்லாம் பார்க்கும் போது, எனக்கே கூட இப்போது நமக்கு திருமணம் நடந்திருக்கக் கூடாதா என்ற ஆசை ஏற்பட்டது" என்று சொல்லி தனது ஆசையையும் வெளிப்படுத்திவிட்டார் தலைவர்.

செய்தி:

சென்னை :""தி.மு.க.,வின் குரலை அடக்க தமிழகத்தில் எந்த சக்தியும் இல்லை,'' என முதல்வர் கருணாநிதி பேசினார். தி.மு.க., சார்பில், 86 ஜோடிகளுக்கு நேற்று அண்ணா அறிவாலயத் தில் திருமணத்தை நடத்தி வைத்து முதல்வர் கருணாநிதி பேசியதாவது: தி.மு.க., ஆட்சிக்கு வந்ததில் இருந்து ஏழை வீட்டுத் திருமணம் என்றால், 5,000 ரூபாய் வீதம் தந்து, பின் 10 ஆயிரம் ரூபாய் என விரிவாக்கி, 20 ஆயிரம் என்ற வகையில் வழங்கப்படுகிறது.

ஐந்தாவது முறையாக ஆட்சிக்கு வந்த பின் நிதி அளிக்கப்பட்டு நடந்த திருமணங்கள், இரண்டு லட்சத்து 29 ஆயிரம். அந்தப் பெரும் கடலில், இன்று நடக்கிற இந்த 86 திருமணங்களும் இணைகின்றன. இது என் 86 வயதைக் குறிக்கும் அடையாளமாக நடக்கிறது.வீட்டை விட்டு நேற்று காலை வெளியேறும்போது ஒரு திருமணத்தை நடத்தி வைத்து விட்டுத் தான் கிளம்பினேன். வாரத்தில் ஐந்து நாட்களாவது என் இல்லத்தில் சுயமரியாதை திருமணம் நடக்கிறது. இங்கு 86 திருமணங்களை நடத்தி அவர்களுக்கு தரப்பட்ட சீர்வரிசைகள், விளக்கு, குடம், வேறு பொருட்கள், இவற்றை எல்லாம் பார்க்கும் போது, எனக்கே கூட இப்போது நமக்கு திருமணம் நடந்திருக்கக் கூடாதா என்ற ஆசை ஏற்பட்டது.

அந்த அளவுக்கு பளபளக்கும் விளக்குள், குடங்கள், தாம்பாளங்கள், மெத்தைகள், தலையணைகள் வழங்கப்பட்டுள்ளன.அரசு நடத்தும் திருமணங்கள் இன்றி தமிழகத்தில் நடைபெறும் திருமணங்களின் எண்ணிக்கை லட்சத்தை தாண்டும். நெருக்கடி காலத்தில், கோவிலுக்குப் போவதாக சொல்லிவிட்டு, நம் கட்சியினர் சீர்திருத்த திருமணங்களில் கலந்துகொண்டதை நினைத்துப் பார்க்கிறேன். இந்தக் கட்சிக்கு எவ்வளவு சோதனைகள், நெருக்கடி, அடக்குமுறைகள் ஏற்பட்டாலும், அதில் இருந்து மீண்டு, கட்சியை தழைக்கச் செய்யும் வல்லமை தி.மு.க.,வினருக்கு உண்டு.எந்த வசதிகள் இருந்தாலும், எந்த வாய்ப்புகள் நமக்கு மறுக்கப்பட்டாலும், நம் குரல் ஓங்கி ஒலிக்கும். ஏனெனில், இது ஈ.வெ.ரா.,வின் குரல்; அண்ணா துரையின் குரல். இந்தக் குரலை அடக்க எந்த சக்தியும் தமிழகத்தில் இல்லை என்றார்.

நன்றி: தினமலர்

வாங்க, பழகலாம்!

2009-08-03T16:48:00.001-06:00

ஜோசு என்ற புத்த ஞானி, மடத்தின் வரவேற்பறைக்குள் நுழைந் தார். தான் சந்தித்த முதல் துறவியைப் பார்த்து, ''உங்களை இதற்கு முன் சந் தித்திருக்கிறேனா?'' என்று கேட்டார். துறவி, ''இல்லை'' என்று பதிலிறுக்கவே, ''அப்படியானால் என்னுடன் தேநீர் அருந்துங்கள், வாருங்கள்!'' என்றார் ஞானி.

அடுத்து, உள்ளே நுழைந்த மற் றொரு துறவியைக் கண்ட ஜோசு, ''உங்களை இதற்கு முன் சந்தித்திருக் கிறேனா?'' என்ற அதே கேள்வியை எழுப்பினார். ''ஆம் சுவாமி! நான் உங்களை முன்பே சந்தித்திருக்கிறேன்!'' என்றார் துறவி. ''அப்படியானால் மிகவும் மகிழ்ச்சி! வாருங்கள், என்னு டன் தேநீர் அருந்துங்கள்!'' என்றார் ஞானி.

இந்த இரண்டு சம்பவங்களையும் கவனித்துக்கொண்டிருந்த புத்த மடத்து நிர்வாகியான துறவி, ஞானி ஜோசுவைப் பார்த்து, ''சுவாமி! இரண்டு துறவிகளின் இரண்டு வித மான பதில்களுக்கும் நீங்கள் ஒரே விதமாகப் பதில் கூறி, அவர்களைத் தேநீர் அருந்த அழைத்தீர்கள்! உங்கள் செயல் எனக்குப் புரியவில்லையே?'' என்று தயங்கியபடி கேட்டார்.

''நீங்கள் இன்னும் இங்கேயேதான் இருக்கிறீர்களா?''

''ஆம் சுவாமி!''

''அப்படியானால் வாருங்கள். என் னுடன் கொஞ்சம் தேநீர் அருந்துங் கள்!'' என்று புன்னகைத்தார் ஞானி.

இப்படி ஒரு கதை 'ஜென்' கதை உண்டு.

அன்புள்ள வாசகர்களே! நீங்கள் இன்னமும் இங்குதான் இருக்கிறீர்களா? அப்படியானால் வாருங்கள், கொஞ்சம் தேநீர் அருந்துங் கள். பேசுவோம்...

ஒரு மனிதன் தன்னைத்தானே எப்படி மதிக்கிறான் (உள்ளுறவு), பிற ருடன் எப்படிப் பழகுகிறான் (உலக உறவு) என்பதை வைத்துத்தான் அவனை ஊரும் உலகமும் எடை போடுகிறது!

அமெரிக்காவில் நீங்கள் ஒரு வேலைக்கு விண்ணப்பித்தீர்களா னால், இந்தியா போல யாரும் அங்கு பாட சம்பந்தமான கேள்விகளைக் கேட்டு உங்கள் அறிவை மீண்டும் சோதிப்பதில்லை. நிறுவனத்திலுள்ள முக்கியமானவர்களை பேட்டி காணச் செய்கிறார்கள். அதன் மூலம், பிறரு டன் அவரால் எளிதாகப் பழக முடி யுமா, அங்கிருக்கும் எல்லோருடனும் அவரால் ஒத்துப்போக முடியுமா என்று பார்க்கிறார்கள்.

'என்னைப் பாராட்டும் ஒருவனை, உலகின் இரண்டாவது பெரிய மனித னாக நான் நினைக்கிறேன்!' என்றொரு வாசகம் உண்டு. இனிமையாகப் பழகும் ஒருவனிடம் எல்லோரும் இனிமையாகப் பழகத் துவங்குகிறார் கள். ஹாஸ்யமாகப் பேசும் ஒருவனு டன் இருப்பதை எல்லோரும் விரும்பி வரவேற்கிறார்கள். பிறருக்கு உதவும் ஒரு மனிதனுக்கு உலகமே உதவ முன் வருகிறது.

அறிவு, திறமை, கற்பனை, துணிச்சல், முடிவெடுக்கும் திறன், வியூகம் என்ற இவற்றுடன் வாழ்வின் வெற்றிக்குத் தேவையான மிக முக்கிய குணம் 'பழகும் தன்மை'தான்.

அதிகாரத்தின் முன்னிலையிலோ, செல்வாக்கின் முன்னிலையிலோ, பணத்தின் பின்பலத்திலோ, ஒரு தலைவனின் செல்வாக்கு நிழலிலோ நீங்கள் ஒரு பதவியைப் பெறக்கூடும். ஆனால், பிறருடன் உங்களால் அனு சரித்துப்போக முடியவில்லை என் றால், சுமுகமாகப் பழக முடியவில்லை என்றால், உங்கள் பதவி நிலைக்காது. அரசியல் உலகில் இத்தகைய ஆர்ப் பாட்டக்காரர்களின் பதவி ஆட்டம் காண்பதையும், பிறகு அவர்கள் பிறர் காலில் விழுவதையும் அன்றாடக் காட்சியாகக் காண்கிறோமே!

பிறருடன் பழகுதல் என்பது ஒரு கலை. வாருங்கள், பழகுவோம்!

நன்றி : விகடன்

நீயா நானா - அருமையான விவாதம்!

2009-07-26T18:05:00.002-06:00

நல்ல நீயா நானா ஷோவில் இதுவும் ஒன்று.

Part 1

Nee 1 @ Yahoo! Video

Part II

neeya 2 @ Yahoo! Video

Part III

neeya 3 @ Yahoo! Video

Part IV

dfdfdf @ Yahoo! Video

நாடோடிகள் - விகடன் விமர்சனம்

2009-07-10T16:14:00.002-06:00

நட்புக்கு மரியாதை செய்யக் காதலுக்குக் கை கொடுத்ததால், நாடோடிகள் ஆகும் நண்பர்களின் கதை!

சசிகுமார், பரணி, விஜய் மூவரும் கண்களில்கனவோடும் தோள்களில் தினவோடும் ராஜபாளையத்தை ரவுண்ட் கட்டும் நண்பர்கள். ஒரு பெருந் தொழில் அதிபரின் மகளான தன் காதலியைச் சேர்த்துவைக்க உதவுமாறு வெளியூரில் இருந்து வருகிறார் சசிகுமாரின் நண்பர் (எக்ஸ் எம்.பி-யின் மகன்). 'என் நண்பனின் நண்பன் எனக்கும் நண்பனே' எனத் தொடை தட்டிக் கிளம்புகிறது சசிகுமார் அண்ட் கோ. நண்பனின்காதலியைக் கடத்தும் பரபர சேஸிங், ரேஸிங்கில் நண்பர்கள் மூவருக்கும் ஒவ்வொரு விதத்தில் ஈடு செய்ய முடியாத இழப்பு. கிட்டத்தட்ட வாழ்க்கையைப் பணயம்வைத்து இவர்கள் சேர்த்துவைத்த காதல் ஜோடி, சில நாட்கள் குடித்தனத்தில் தடாலென்று தடம் மாறி, தாலியைக் கழற்றி எறிந்து பிரிகிறார்கள். 'காதலுக்கு ஹெல்ப் பண்ற நண்பய்ங்க என்ன நொண்ணைகளா?' என்று பொங்கும் நாடோடிகளின் அதிரடி ஆவேசம்தான் மிச்சக் கதை.

'நண்பனின் நண்பன் நண்பனே' என்கிற நட்பு லைனில் விறுவிறு திரைக்கதையையும், பரபர ஆக்ஷனையும் இணைத்து, செம ஜாலி கதை பின்னி இருக்கிறார் இயக்குநர் சமுத்திரக்கனி. அரசாங்க வேலைக்காக அப்ளிகேஷன் தட்டும் சசிகுமார், வெளிநாட்டு வேலைக்குக் காத்திருக்கும் பரணி, கம்ப்யூட்டர் சென்டர் லோனுக்கு அலையும் விஜய் என மூன்று நண்பர்களைப் பற்றிய அறிமுக எபிசோட் அசத்தல்.

'சரிங் மாமா' என எல்லாவற்றுக்கும் தலையாட்டும் 'வீட்டோட' மருமகன், 'வாழ்விழந்த இளைஞர்களுக்கு வாழ்வளிக்கும் வள்ளலாக' வரும் ரித்தீஷ் டைப் சின்ன மணி கேரக்டர், மகனின் காதலுக்குத் தூது போகும் ஃப்ரெண்ட்லி அப்பா என ஒவ்வொரு கேரக்டரையும் இயக்குநர் செதுக்கி இருக்கும் விதம் அருமை.

சசிகுமாரிடம் கேரக்டருக்குத் தேவையான நடிப்பு. ஹீரோயினுக்கு முத்தம் கொடுக்கச் செல்லும்போது சசி குமாரின் முகத்தில் எக்ஸ்பிரஸ் எக்ஸ்பிரஷன்கள். 'பட், உங்க நேர்மை எனக்குப் பிடிச்சிருக்கு மாமா' என்று காதலியின் தந்தையிடம் இருந்து எஸ்கேப் ஆவதும், கடைசியில், அதே டயலாக்கை வருத்தத்தோடு சொல்லிப் பிரிவதும் கவிதை. ஆனால், 'டேய்' என்று சசி ஆக்ரோஷம் காட்டும் இடங்களில் 'சுப்ரமணியபுரம்' பரமன் நினைவுக்கு வருவதைத் தவிர்க்க முடியவில்லை.

அப்பா புள்ளையாக வரும் அமைதி 'சென்னை 28' விஜய்யும், ஜட்டியைத் தலையில் போர்த்தியபடி வலம் வரும் அடாவடி பரணியும் இயல்பான எதிரெதிர் துருவ நட்புப் பங்காளிகள். காது கேட்காமல் வீடு திரும்பும் பரணியை அவர் அப்பா அடிக்கும்போது, 'அப்பா நீ சொல்றது ஒண்ணுமே கேக்கலைப்பா!' என்று அவர் அழுது புலம்புவது எமோஷனல் எபிசோட்! சதா காலை ஆட்டிக் கொண்டு இருக்கும் விஜய்யின் அப்பா கேரக்ட ராக வரும் முத்துக்கிருஷ்ணன்... ஆஹா! பேங்க் பாஸ்புக்கைக் காண்பித்து மகனின் காதலுக்கு 'ஓ.கே' வாங்க முயல்வதும், காதலியோடு திரியும் மகனை கூலிங்கிளாஸ் கண்களோடு ரசிப்பதுமாக அசத்துகிறார்.

சசிகுமாரின் மாமன் மகளாக வரும் அனன்யா வுக்கு அறிமுகமாம்! சதா தீனிப் பண்டாரமாக, குறும்புப் பார்வையும் குசும்புப் பேச்சுமாக வெள்ளந்தித் தோழியாக ஈர்க்கிறார். சசிகுமாரின் கன்னத்தைப் பிய்த்து வாயில் போட்டுக்கொள்ளும் பாசமும் 'என்னைக் கடத்துற சிரமத்தை நான் தர மாட்டேன். சிக்னல் மட்டும் காட்டு... சிட்டாப் பறந்து வந்திருவேன்' எனும் லூட்டியும், அட்றா சக்கை... அட்றா சக்கை!

கண்களாலேயே காதல் பேசிவிடும் அபிநயா கிடைக்கும் சின்னச் சின்ன இடைவெளிகளிலும் மனதைத் திருடுகிறார். (இயல்பான பெண்ணாகக் காட்சி அளிக்கும் இவருக்கு நிஜத்தில் பேச்சு வராது!)

'உங்க ஆட்டத்துல என்னைய ஏன்டா சேர்க்கிறீங்க?' என்று சசி கோஷ்டியிடம் கதறும் கஞ்சா கருப்பு... செம சிரிப்பு. படம் எடுத்த அடுத்த ஐந்தாவது நிமிடம் அதை ஃப்ளெக்ஸ் பேனரில் விளம்பரம் செய்யும் 'பப்ளிசிட்டி கோவிந்து' சின்னமணி (நமோ நாராயணன் -நிர்வாகத் தயாரிப்பாளர் - 'இங்கேயும் ஒரு பப்ளிசிட்டி!') தோன்றும்போதெல்லாம் கிபீர் குபீர் சிரிப்பு பட்டாஸ் கொளுத்துகிறார்.

வெட்டு, குத்து, அரிவாள், சாதி துவேஷ டயலாக்குகள் என கிராமத்து சினிமாவின் க்ளிஷேக்களைப் படத்தில் தேவையான இடத்தில் மட்டுமே பயன்படுத்தி இருப்பது ஆறுதல். தொழில் அதிபர் பெண்ணைக் கடத்தும் அந்த டாப் கியர் எபிசோடுக்குப் பின்னணியாக வரும் 'சம்போ... சிவ சம்போ' பாடல் உறுமல் உத்வேகம் கூட்டுகிறது. வழக்கமான திருவிழாப் பாட்டு, 'வேற எந்த உறவையும்விட நட்புதான்டா பெருசு' என்று அடிக்கடி வரும் 'நட்பு பஞ்ச்'கள் மட்டும் பழைய மசாலா.

கட்டி முடிக்கப்படாத பாலம், பிரமாண்ட கிணறு என விதவித லொகேஷன்களில் அழகு காட்டும் எஸ்.ஆர்.கதிரின் கேமரா, சேஸிங் ஸீன்களில் வேகம் கூட்டுகிறது. பின்னணி இசையில் படத்தை வேறு தளத்துக்குச் எடுத்துச் சென்று இருக்கிறது சுந்தர் சி.பாபுவின் இசை.

சசி அண்ட் கோ நண்பனின் காதலைச் சேர்த்து வைக்க என்னென்னவோ சாகசம் புரிகிறார்கள். ஆனால், காதலிக்கு போன் செய்து அவரை வரச் சொல்லும் சிம்பிள் ஐடியா மட்டும் அவர்களுக்குத் தோன்றவில்லையாம். மகனின் மொபைல் நம்பரை ட்ரேஸ் செய்து நாமக்கல்லுக்குச் செல்லும் எக்ஸ் எம்.பி. அம்மா, அவர் கோவாவில் இருப்பதை மட்டும் கடைசி வரை கண்டுபிடிக்காமலேயே இருக்கிறார். அத்தனை போலீசும் காதலர்களைத் தேட முடியாமல் தேமேவென சசி யின் வாய் பார்த்தே காத் திருப்பது 'கோடம்பாக்க' ஸ்டேஷனில்தான் சாத்தியம்.

நண்பனின் காதலியைக் கடத்தப் போகும் வழியில் சம்பந்தமே இல்லாமல் கவர்ச்சிக் குத்தாட்டம் போடுவது, கான்ட்ராக்ட் சமையல் வேலை என்று கதை திடீரென டிராக் மாறுவது போன்ற இடங்கள் கத்திரிக்குத் தப்பிய காட்சிகள்.

மெகா நீளம்தான் மைனஸ். ஆனால், அதையும் திகுதிகு திரைக்கதையால் மறக்கடிக்க வைக்கிறார்கள் ஜாலியான நாடோடி மன்னர்கள்!

நன்றி : விகடன்

நல்ல விமர்சனம் தான்! 43 மார்க் கொஞ்சம் கம்மி! உருப்படாத விஜய், அஜித் படத்துக்கெல்லாம் 40+ மார்க் போடும் போது இந்த படத்துக்கு இன்னும் அதிகமாவே போடலாம்.

திருந்தாத தமிழ் சினிமா!

2009-07-10T06:49:00.003-06:00

சமீபத்தில் M குமரன் S/O மகாலட்சுமி படம் பார்த்தேன். முதலில் நன்றாக துவங்கிய படம், நதியா இறந்த பிறகு மிகையாக மாறியது. தமிழ் சினிமாவிற்கே உரிய அம்மா, அப்பா, தங்கச்சி செண்டிமெண்ட், ஆபாசமான, அருவருக்க தக்க காமெடிகள், ஆங்கங்கே பாடல்கள், காதல் காட்சிக்கு மட்டும் ஹீரோயின். கடைசியாக வில்லனை வீழ்த்தி ஹீரோ ஜெயிப்பது, குடும்பத்தையும் காதலையும் சேர்த்து "சுபம்" போடுவது என்று டிபிகல் தமிழ் சினிமாவாக முடிந்தது. இந்த மாதிரி படங்களை எல்லாம் மூணு மணி நேரம் திரைஅரங்கில் பார்ப்பது கொடுமை. அடுத்தது என்ன நடக்கும், படம் எப்படி முடியும் என்பது பாதியிலேயே தெரிந்து விட்டது. இந்த படத்தில் வரும் அபத்தமான காட்சிகள், பொதுவாக எல்லா தமிழ் சினிமாவிலும் வரும்.

தங்கச்சியை வில்லன் கற்பழித்து விடுகிறான். வில்லன் கெட்டவன் என்று தெரிந்தும், அவனிடம் தங்கச்சியை கல்யாணம் செய்து கொள்ளுமாறு ஹீரோ கெஞ்சுகிறார். இறுதிப் போட்டியில் "நீ தோற்றால் உன் தங்கைச்சியை நான் கல்யாணம் செய்துக் கொள்கிறேன்" என்று வில்லன் சொல்வதை கேட்டு, வெற்றியை தியாகம் செய்யப் பார்க்கிறார். என்ன கொடுமை என்றால், ஒருவன் ஒரு பெண்ணை கற்பழித்தால், அவன் தான் அவளை திருமணம் செய்துக் கொள்ள வேண்டும். இல்லை என்றால் சாவதை தவிர அந்தப் பெண்ணுக்கு வேறு வழி இல்லை. ஒரு அய்யோகியனை கல்யாணம் செய்துக் கொண்டு அந்த பெண் எப்படி சந்தோசமாக வாழ முடியும்?

பெண்ணடிமைத்தனம் என்பது சினிமாவில் ஊறிப் போய் உள்ளது.

இரண்டாவதாக, காமெடி என்ற பெயரில் உடல் ஊனமுற்றோரையும், பெண்களையும், மனநிலை குறை பாடு உள்ளவர்களையும் அசிங்கப் படுத்துவது. இந்தப் படத்தில் வரும் காமெடியை போலவே (இன்னும் அசிங்கமாகவே) பல தமிழ் படத்தில் வருகிறது. இதையெல்லாம் எப்படி குடும்பத்தோடு ஒருவர் சென்று ரசிப்பது? பெண்களை இன்னும் sexual object ஆகவே சித்தரிக்கிறார்கள். கை, கால் ஊனம், திக்கு வாய், கண் பார்வை குறைவு, உடல் பருமன், சொட்டை தலை, என்று இந்த குறை பாடுகளை வைத்து காமெடி பண்ணுபவர்களே அதிகம். அந்த காலத்தில் கவுண்டமணி ஆரம்பித்தது. இன்னும் அதையே போட்டு அரைக்கிறார்கள்.

அடுத்தது, ஒரு கடை தெருவில் (அ) கோவில், காப்பி ஷாப், திரைஅரங்கு, பெரிய வணிக வளாகம் போன்ற ஏதேனும் ஒரு இடத்தில் ஹீரோயினை (அ) ஹீரோவின் தங்கச்சியை வில்லன் கும்பல் கற்பழிக்க துரத்தும் (அந்த வில்லன் ஒரு மந்திரியின் மகனாகவோ, இல்லை பெரிய கடத்தல் காரனின் மகனாகவோ இருப்பார்). சிறிது நேரம் துரத்திக் கொண்டே இருப்பார்கள். கடைசியாக ஜாக்கெட்டை கிழிக்கும் போது ஹீரோவின் கை வந்து தடுக்கும். அதுக்கப்பறம் நடக்கபோவது தெரிந்ததுதான். பார்த்து பார்த்து சலித்து, புளித்து போய்விட்டது.

காதல் கட்சிகளுக்கும், சில ஆபாச அசைவுகளுக்கு மட்டுமே ஹீரோயின். வெள்ளை தோளோடு, குறைந்த பட்ச உடையோடு, கொஞ்சம் தமிழ் நிறைய ஆங்கிலம் பேசிக் கொண்டு ஒரு லூசு போல வளம் வருபர்தான் இந்த ஹீரோயின். சுகாசினி, ஊர்வசி, ரேவதி போன்ற நடிகைகளுக்கு அப்பறம் யாரும் நடிக்கிற மாதிரி தெரியல. சினேகா, பார்வதி மாதிரி ஒன்னு ரெண்டு தான் தேறுது. இங்கேயும் பெண் ஒரு sexual object தான்.

மகள் கற்பமாக உள்ளது தெரியும் போது பூச்சி மருந்து வாங்கி தற்கொலைக்கு முயல்வது, அம்மாவை டைவர்ஸ் செய்யும் அப்பா, சித்தி கொடுமை, தேவை இல்லாமல் மூக்கை நுழைக்கும் பாடல்கள்...இன்னும் பல பல அபத்தங்கள்...

எப்போது திருந்தும் இந்த தமிழ் சினிமா?

அமெரிக்க பொருளாதாரமும், அதிபர் ஒபமாவும்!

2009-07-09T17:52:00.005-06:00

கடந்த ஆண்டு பின்பாதியில் சரிய துவங்கிய பொருளாதாரம் இன்னும் மீண்ட பாடில்லை. உலக நாடுகளில் பலவற்றிலும் இந்த பாதிப்பு இருந்தாலும், மேற்கத்திய நாடுகளை அதிகம் பாதித்தது. பல பெரிய நிறுவனங்கள் திவாலானதால், வேலை இல்லா திண்டாட்டம் தலை விரித்தாடியது.வேலை இழந்தவர்கள் வேறு எங்கும் சேர முடியாமல் தவித்துக் கொண்டு உள்ளனர். வேலையில் இருப்போரோ எப்போது தூக்குவார்கள் எனத் தெரியாமல், தினம் தினம் பயத்துடனே அலுவலம் செல்கின்றனர். கல்லூரியிலிருந்து பட்டம் வாங்கிக் கொண்டு புதிதாக வெளிவரும் மாணவர்களின் நிலை இன்னும் பரிதாபமானது.

இந்த வருட துவக்கத்தில் அதிபர் ஒபாமா பதவியேற்றவுடன், எதாவது செய்து மாற்றம் கொண்டு வருவார் என மக்கள் எதிர் பார்த்து காத்திருந்தனர். ஆனால் எதுவும் நடக்கிற மாதிரி தெரியவில்லை. அதிபர் ஒபாமா பதவி ஏற்கும் போது சரிவிலிருந்து மீள்வதற்கு முன்னால், பொருளாதாரம் இன்னும் வீழ்ச்சி அடையும் என்று சொன்னார். அது தான் இப்போது நடக்கிறதோ என்னவோ!

வேலை இல்லாதோரின் எண்ணிக்கை நாளுக்கு நாள் அதிகரித்துக் கொண்டே வருகிறது. அரசின் கணக்கெடுப்பின்படி 9.5 சதவிகிதமாக உள்ளது. இது எதிர்பார்த்ததை விட 1% அதிகம். திவாலாகி கொண்டிருக்கும் அமெரிக்க நிறுவனங்களுக்கு மக்கள் வரிப் பணத்தில் இருந்து $787 பில்லியன் டாலர்களை கொடுக்க முன் வந்தது அமெரிக்க அரசு. இதில் ஒரு சிறு பகுதியை ஏற்கனவே கொடுத்து முடித்து விட்ட நிலையில், இரண்டாவது தவணை தேவையா என்று பெரும் விவாதமே நடந்துக் கொண்டிருக்கிறது.

வெள்ளை மாளிகையின் கணக்குப் படி இந்த திட்டம் சுமார் ஆறு இலட்சம் வேலை வாய்ப்புகளை கோடை காலத்திற்குள் ஏற்படுத்தி இருக்கவேண்டும். ஆனால் ஒபாமா பதவி எற்புக்கு பின் சுமார் இரண்டு பில்லியன் வேலை வாய்ப்புகள் பறி போனது. இந்த stimulus திட்டம் ஒன்றரை இலட்சம் வேலைகளை மட்டுமே தக்கவைத்து கொடுத்திருப்பதாக சொல்கிறார்கள். இதனால், இந்த திட்டம் தொடர வேண்டுமா என்று காங்கிரசில் விவாதம் நடந்து கொண்டுள்ளது.

குடியரசுக் கட்சி உறுப்பினர்கள், இந்த திட்டம் ஒபமாவின் தவறான முடிவு என்றும், இப்படி மக்களின் வரிப் பணத்தை வீணடிப்பதை விட்டுவிட்டு வேறு வழிகளை யோசிக்க வேண்டும் என்றும் கூறுகிறார்கள். ஆனால் ஆளும் கட்சியை சேர்ந்தவர்களும், அதிகாரிகளையும் வேறு விதமாக சொல்கிறார்கள். இந்த திட்டத்தின்படி பொருளாதரத்தை மீட்க இரண்டுவருடங்கலாவது ஆகும் என்றும், இப்போது அளித்துள்ள பணம் மிகக் குறைவானது என்று சொல்கின்றனர்.

இதற்கிடையில், இந்த ஆண்டு பட்ஜெட்டில் $1.7 ட்ரில்லியன் அளவிற்கு பற்றாக்குறை ஏற்பட்டுள்ளதாக அறிவித்துள்ளது அரசு. இது அமெரிக்காவின் GDPஇல் 12% ஆகும். இரண்டாம் உலகப் போருக்கு பின் முதன் முறையாக இப்போதுதான் இவ்வளவு நிதிப் பற்றாக்குறை ஏற்ப்பட்டுள்ளது.சமீபத்தில் Quinnipiac University எடுத்த வாக்கெடுப்பின் படி சுமார் 48 சதவிகிதம் பேர் ஒபமாவின் செயல்பாடுகள் சிறப்பாக இல்லை என தெரிவித்துள்ளனர். ஈராக் பிரச்னை, நிதி பற்றாக்குறை, பொருளாதார மந்த நிலை, தீவிரவாதம் என பல சவால்களை சூழ்ந்திருக்கும் அதிபர் ஒபாமா என்ன செய்ய போகிறார் என்று பொறுத்திருந்து பார்ப்போம்.

ஏஞ்சல்ஸ் அண்ட் டிமன்ஸ்

2009-07-02T10:31:00.007-06:00

ஏஞ்சல்ஸ் அண்ட் டெமொன்ஸ் .... டேன் பிரவ்ன் இன் இரண்டாவது நாவல் திரைப்படமாக வந்துள்ளது. நாவலை தழுவி திரைப்படம் எடுக்கும் போது சில பிரச்சனைகள் வரும். நாவலில் சுவராஸ்யமாக, ஒவ்வொரு சீனும் விலாவரியாக வர்ணிக்கப் பட்டு இருக்கும். அதை இரண்டு மணிநேரத்தில் படமாக எடுப்பது சிரமம். ஏற்கனவே வந்த டா வின்சி கோட், எதிர்பார்ப்பை பூர்த்தி செய்யவில்லை. இந்த முறை கொஞ்சம் பரவில்லை...

கதையின் கரு அறிவியலுக்கும் ஆன்மீகத்திற்கும் உள்ள முரண்பாடு (அ) சண்டையை பற்றியது. இல்லுமினடி (Illuminati) என்ற ஒரு குழு பதினெட்டாம் நூற்றாண்டிலில் ஆராய்ச்சியாளர், பேராசிரியர் ஆடம் என்பவரால் ஆரம்பிக்கப்பட்டது. பழமைவாதிகளையும், அவர்கள் பேச்சை கேட்டு ஆட்சி நடத்திய அரசியல்வாதிகளையும் எதிர்த்து முற்போக்கு வாதிகளால் வழி நடத்தப்பட்டது. இந்த குழுவை ( Modern Illuminati) சேர்ந்த வில்லன், போப் இறந்தவுடம் அடுத்த போப்பாக வர வாய்ப்புள்ள நன்கு கர்டினல்களை கடத்திக் சென்று ஒவ்வொருவரையாக கொலை செய்கிறான். அதோடு இல்லாமல், Anti-matter எனப்படும் அணு சக்தி வை விட பல மடங்கு வலிமையுள்ள substance கடத்தி சென்று , அதை வைத்து ரோமையே அழிக்க முற்படுகிறான்.

இந்த கொலையாளியை கண்டுபிடிக்க, கர்டினல்களை காப்பற்ற குறியீடுகளைப் பற்றி ஆராய்ச்சி செய்யும் பேராசிரியர் ராபர்ட் லங்க்டன் (Tom Hanks) ரோமுக்கு வருகிறார். Anti-matter உருவாக்கிய ஆராய்ச்சியாளரின் மகள் (Ayelet) ராபர்ட் உடன் சேர்த்து பேரழிவை தடுக்க முற்படுகிறார். ராபர்ட் எப்படி கொலையாளியை கண்டு பிடிக்கிறார், கொலையாளி யார் என்ற மர்மங்ககளை சிறிது சுவாரசியத்தோடு சொல்லியிருக்கிறார்கள்.

- அன்டி மாட்டார் உள்ள அறைக்கு செல்ல கண்ணின் கருவிழியை (Ratina) கடவுச் சொல்லாக பயன் படுத்துகிறார்கள். கதையின் படி, ஆராய்ச்சியாளரின் கண்ணை தோண்டி எடுத்து அதை வைத்து கொலையாளி உள்ளே செல்கிறான். அனால் தோண்டப் பட்ட கண்ணும் அவரது உடலும் அறைக்கு உள்ளே கிடக்கின்றன! லாகிக் படி ஆது அறைக்கு வெளியே தான் இருக்க வேண்டும். அல்லது உள்ளே இழுத்து சென்றதற்கான அறிகுறியாவது இருந்திருக்க வேண்டும்.

- பொது ( Public Place) இடத்தில கார்டினல்களை கொலை செய்யப் போவதாக சொல்லும் கொலையாளி, ஒருவரை மட்டுமே பொது இடத்தில் வைத்துக் கொள்கிறான். மற்ற இருவரும் கொள்ளப் படும் இடம் மக்கள் நடமாடும் இடமாக தெரியவில்லை

- அப்படி பொது இடத்தில் ஒரு காடினல்லை கொலை செய்யும் விதமும் இயல்பாக இல்லை. அத்தனை பேர் கூடியிருக்கும் இடத்தில் சாதரணமாக ஒருவரை கிடத்தி விட்டு செல்கிறார்.

-ரோம் போலிசும், ஸ்விஸ்ஸ் கார்டும் என்ன பண்ணுகிறார்கள் என்றே தெரியவில்லை. ஏதோ சாதரணமாக ஒரு கொலையை விசாரிப்பது போல் ஜாலியாக திரிகிறார்கள். ஹீரோ, ராபர்ட்டுக்கு முக்கியத்துவம் கொடுத்து மற்ற போலீசர்களை டம்மி ஆக்கிவிட்டார்கள். இதையெல்லாம் தாண்டி படம் நன்றாகத்தான் இருக்கிறது. ரோம் அதனை சுற்றியுள்ள இடங்களை நன்றாக கட்டியுள்ளனர். ரொம்பவும் போரடிக்காமல் கொஞ்சம் விறு விறுப்பாகவே போகிறது

யாரை நம்புவது?

2009-06-16T05:18:00.005-06:00

ஒவ்வொரு வாரமும் நீயா நானா நிகழ்ச்சியைப் பார்ப்பதுண்டு. ஒரு வருடத்திற்கு முன்னால் எதேச்சையாக யூடுபில் தென்பட்டது. சில வாரங்கள் மொக்கையாக இருந்தாலும், சிலது ரொம்ப நன்றாக இருக்கும். இப்படியும் மக்கள் இருக்கிறார்களா என்று வியப்பூட்டும். இந்த வாரம், எல்லோரிடமும் நம்பிக்கை வைக்கலாமா? கூடாதா? என்று ஒரு விவாதம். இதில் யாரையும் நம்பக்கூடாது என்ற பிரிவில் சிலர் பேசியது கொடுமையாக இருந்தது. ஒரு பெண் சொல்கிறார்: "அமாவாசையில் பொறந்தவனை நம்பமாட்டேன்! ஏன்னா, எங்க பாட்டி சொல்லியிருக்காங்க, அமாவாசையில பொறந்தவன் திருடனா இருப்பன்னு!". இன்னும் சிலர் குறிப்பிட ராசியில் பொறந்தவனை நம்பமாட்டேன் என்று சொன்னார்கள். ஏன்னா அந்த ராசிக்கும் அவங்களுக்கும் ஒத்துக்காதான்! ஒரு கணிப்பொறியாளர் சொல்கிறார் "ஆந்திர காரனையும், பெங்கலியையும் நம்ப மாட்டேன். இப்படி ஒவ்வொருவரும் சொன்ன காரணங்களை பார்த்த போது, ரொம்ப வேதனையாக இருந்தது.
இது மாதிரி நம்பிக்கை இல்லாதவங்களை அவ்வபோது பார்ப்பதுண்டு. அண்மையில், நண்பர் ஒருவருடன் சில நாட்கள் தங்க வேண்டிய சூழ்நிலை ஏற்பட்டது. முதல் நாளே அவர் சொன்னார், "இந்த உலகத்துல யாரையும் நம்ப மாட்டேன். யாருமே நல்லவங்க இல்லை". அவருடைய நடவடிக்கைகளை பார்த்தல் ஒரு மாதிரி restless ஆகா இருக்கும். வெளியே கிளம்பறேன் ன்னு சொல்லிட்டு, திரும்பி தீடீர்ன்னு வந்து பார்ப்பார். எப்போதும் ஒரு நோட்டம் விட்டுக் கொண்டே இருப்பார். யாராவது நம்மளை நம்பிக்கை இல்லாமல் பார்க்கும் போது ஒரே எரிச்சலா வ்ரும். இந்த நம்பிக்கை இல்லா தன்மை முத்திப் போயி ஒரு மான நோயாளி மாதிரி ஆயிடறாங்க.

ஒன்றரை வருடமாக கல்லூரியில் கூடப் படித்த, ஒரே வீட்டில் வசித்த நண்பர், திடீரென்று யாரிடமும் பேசாமல் சற்று ஒதுங்கினர். என்னடாவென்று பார்த்தால், அவருடைய வேலை வாய்ப்பை நான் பறித்து விடுவேன் என்று அஞ்சி, பேசுவதை தவிர்த்து வந்தார்! நிகழ்ச்சிக்கு சிறப்பு விருந்தினராக வந்திருந்த ஷாலினி சொன்னதுபோல், ஏதோ ஒரு சில கசப்பான நிகழ்ச்சிகளை மனதில் வைத்துக்கொண்டு, ஒட்டு மொத்த மக்களையும் அதே பார்வையில் பார்க்கின்றனர். ஒரு மலையாளி தவறு செய்தால், ஒட்டு மொத்த மல்லுக்களும் கேவலமானவர்கள் என்று நினைப் பவர்கள்! அடுத்தடுத்து சில மோசமான அனுபவங்கள் நேரும் போது, யார் மேலும் நம்பிக்கை இல்லாமல் போக, தனிமையில் கொஞ்சம் கொஞ்சம் ஆக மன வியாதிக்கு உட்படுபவர்களும் உண்டு. எல்லாரிடமும் அதீத நம்பிக்கை வைப்பது இந்த காலத்தில், இயலாத காரியம் என்றாலும், ஒரு சில நம்பிக்கைக்குரிய நண்பர்களையாவது பெறுவது அவசியம். கேட்காமலேயே பணம் வேண்டுமா என்று கேக்கும் நண்பனும், தன்னுடைய கடவுச் சொல்லகூட அவசரத்துக்கு என்னிடம் பகிர்ந்துக் கொள்ளும் நண்பர்கள் எனக்கு இருப்பதை நினைக்கும் பொது நிறைவாக உள்ளது.

இணையத்தில் தமிழ் பாடநூல்கள்

2009-05-25T19:20:00.003-06:00

நண்பர் ஒருவர் இந்த இணையதள முகவரியை அனுப்பியிருந்தார். என்னவென்று பார்த்த பொழுது, ஒண்ணாம் வகுப்பு முதல் பனிரண்டாம் வகுப்பு வரை அணைத்து பட நூல்களும் PDF கோப்புகலாக தரவேற்றம் செய்யப்பட்டிருந்தன. தமிழ் மொழியில் மட்டும் அல்லாது, தெலுகு, மலையாளம், கன்னடம், உருது ஆகிய மொழிகளிலும் இருந்தன. ஸ்டேட் போர்டு தனியாகவும், Matriculation தனியாகவும் வகைப் படுத்தப் பட்டிருந்தது. இது தவிர, முக்கிய வினாத்தாள்கள் தரவிறக்கம் செய்ய வசதியிருந்தது....அருமை!

பாடங்கள் எல்லாம் எப்படி இருக்கிறது என்று பார்க்க பத்தாம் வகுப்பிற்குள் நுழைந்தேன். தமிழ் பாடம்...நிறைய மாறியிருந்தது. அப்துல் கலாம் எழுதிய ஒரு பாடம், அறிவியல் சம்பந்தமாக சில பாடங்களை காண முடிந்தது. அசோகமித்திரன், தி.ஜானகிராமன், பிரபஞ்சன், நா.பார்த்தசாரதி போன்றோரின் சிறுகதைகள் இருந்தன. ஆனால் வழக்கமாக இருக்கும் செய்யும் பகுதி மட்டும் மாறவே இல்லை. அருஞ்சொற்பொருள், இலக்கணம் படிக்க சுவாரசியமாக இருந்தது. நிறைய தமிழ் சொற்களை கற்றுக் கொள்ளலாம். நல்ல தமிழ் எழுதப் பழகிக் கொள்ளலாம்! (வலைப் பதிவர்களுக்கு உதவும்).நேரம் இருந்தால் உலாவிப் பாருங்கள்.

அப்படியே, கொஞ்சம் ஆங்கிலம், கணிதம், அறிவியல், சமூக அறிவியல் பாடங்கள் பக்கம் சென்றேன். ம்ம் பரவாயில்லை. கொஞ்சம் மாறி இருக்கிறது.

இந்த முயற்சிகள் நகர் புறம் உள்ள மாணவர்களுக்கு கண்டிப்பாக உதவும். நகர் புறங்களில் இப்போதெல்லாம் சிறு வயதிலேயே இணையத்துடன் கூடிய கணிப்பொறி கிடைத்துவிடுகிறது. ஆனால், கிராமப் புறங்களில் வாழும் மாணவர்கள் பயன்பெற கொஞ்ச நாள் ஆகும். இன்னும் பத்தாம் வகுப்பு, பணிரண்டம் வகுப்பு முடிவுகளை தெரிந்துக் கொள்ளவே கணினியை பயன்படுத்துகிறார்கள்.

என்றாலும் ..இந்த நல்ல முயற்சிகள் தொடர வாழ்த்துக்கள்.

டி ராஜேந்தரின் காதல் கவிதை

2009-05-24T12:53:00.000-06:00

இந்த ஆண்டு ஐபிஎல்

2009-05-22T19:33:00.007-06:00

கடந்த ஒரு மாதமாக பாடாய் படுத்திக் கொண்டிருந்த ஐபிஎல் முடியப் போகிறது. கடந்த ஆண்டு ICL க்கு போட்டியாக தொடங்கப்பட்ட இந்த தொடர் நல்ல வரவேற்பை வெற்றது. BCCI க்கு, அணி முதலாளிகளுக்கும், நட்சத்திர வீரர்களுக்கும் நல்ல பணம் கொழித்தது. உள்ளூர் வீரர்களுக்கு தங்கள் திறமையை நிரூபிக்க நல்ல வாய்ப்பாகவும், சர்வதேச வீரர்களோடு பழகவும் ஒரு வாய்ப்பாக அமைந்தது. இந்த ஆண்டும் சிறப்பாக நடத்தி முடிக்க வரிந்து கட்டிக் கொண்டு கிளம்பிய 'மோடிக்கு' ஆரம்பத்திலேயே பிரச்னை. தேர்தல் நடப்பதால், போட்டிகளை நடத்த பாதுக்கப்பு கொடுக்க முடியாது என்று இந்திய அரசாங்கம் கைவிரித்தது. ஆனால், குறிப்பிட்ட தேதியில் நடத்தி முடிப்போம் என்று கோதாவில் இறங்கிய BCCI, ஸௌத் ஆப்பிரிக்கா, இங்கிலாந்து போன்ற நாடுகளை நாடியது. இறுதியாக, "இந்தியன்" ப்ரீமியர் லீக் சவுத் ஆப்ரிக்க சென்றது.

இதை தொடர்ந்து, அணிகளில் பல குழப்பங்கள், மாற்றங்கள். கல்கத்தா அணியில் இருந்து கங்குலியின் காப்டன் பதவிக்கு கல்தா கொடுக்கப் பட்டது. மல்லையாவும் பீடர்சனை அதிக விலை கொடுத்து வாங்கி, கப்டனாகவும் ஆக்கினார். லட்மன் ஓரம் கட்டப் பட்டார். பிளின்ட் ஆப், டுமினி, வார்னெர், மொர்டச்சா போன்ற புதிய முகங்கள் வந்தன. மிகுந்த எதிர்ப்பார்போடு தொடங்கப்பட்ட IPLக்கு நல்ல வரவேற்ப்பு இருந்தது. இந்த முறை எல்லா அணிகளும் சம பலத்தில் இருந்ததால், அரை இறுதிக்கு முன்னேறுவதில் கடுமையான போட்டி. KKR மட்டும் அடிமேல் அடி வாங்கியது. நல்ல வீரர்கள் இருந்தும், குழுவாக ஒன்று சேர முடியாமல் தோற்றுப் போனது. "போலி" IPL வீரரின் வலைப்பதிவால் மேலும் பல குழப்பங்கள். வெறுத்துப் போனே ஷாரூக், இந்திய ஓடிவிட்டார். சச்சின் னின் மோசமான தலைமையினால், மும்பை இந்தியனும் வெளியேறியது. ஜெயா சூரிய சோபிக்காதது பெரிய இழப்பு. சென்ற வருடம் இருந்த மார்ஸ், லீ , ஹோப்ஸ் ஆகியோர் இல்லாததால், பஞ்சாப் தடுமாறியது. யுவியும் ஒரு சில போட்டிகளை தவிர , பெரிசாக ஒன்னும் செய்யவில்லை. சாதரண அணியை வைத்துக் கொண்டு போராடிய ராஜஸ்தானும் வெளியேறியது. ஸ்வப்னில், பதான், ஜடேஜா, ஸ்மித் போன்றோர் சிறப்பாக விளையாடவில்லை.

சென்ற முறை அடிவாங்கிய பெங்களுரு, டெக்கான் அரை இறுதியில். சேவாக், காம்பிர் ஜோடி சோடை போனாலும் டெல்லி நன்றாக விளையாடியது. மோசமான பந்து வீச்சாளர்களை வைத்துக் கொண்டு டோனியும் கரை ஏறி விட்டார். மிகவும் எதிர் பார்க்கப்பட்ட டெல்லி, முதல் அரை இறுதியில் மூட்டை கட்டியது. கில்லி டெல்லியை பதம் பார்த்து விட்டார். அடுத்ததாக நாளை, சென்னை யும் பெங்களுரும் மோது கின்றன. யார் ஜெயிப்பார்கள் என்று சொல்ல முடியாது. எனக்கென்னவோ சென்னை கோப்பையை வெல்லும் என்று தோன்றுகிறது. பார்க்கலாம்!!!

தேர்தல் 2009 - ஒரு பார்வை

2009-05-17T20:02:00.005-06:00

தேர்தல் முடிந்து விட்டது. மிகப் பெரிய ஜனநாயக நாட்டில், கடினமான மேலாண்மைப் பணிகளில் ஒன்றாகக் கருதப் படும் தேர்தலை வெற்றிகரமாக நடத்தி முடித்திருக்கிறார்கள் தேர்தல் ஆணைய அதிகாரிகள். அரசியல் வாதிகளும், அரசியல் ஆய்வாளர்களும், விமர்சகர்களும் ஒன்று நினைக்க, மக்கள் வேறொன்று நினைத்து விட்டார்கள். ஆனால், சரியான நல்ல தீர்ப்பைதான் வழங்கியிருக்கிறார்கள். இந்த முடிவில் இருந்து தெரிந்துக் கொள்ளக்கூடிய நல்ல , கெட்ட விசயங்களாக எனக்குப் பட்டவை:

இந்திய மக்கள் அனைவரும் ஒரே மாதிரியாக சிந்தித்து தேசிய கட்சிக்கு ஓட்டு அளித்து உள்ளனர். இந்திய போன்ற மிகப் பெரிய, இன, மொழிகளால் வேறுபட்ட நாட்டில் பல கட்சிகள் இருப்பது தவிர்க்க முடியாது. 1991க்கு பிறகு தேசிய கட்சிகளால் பெரும்பான்மை பெற முடியாததால், மாநில கட்சிகளையும், சிறு சிறு ஜாதிக் கட்சிகளையும் நம்பியே இருந்து வந்தது. இதனால் பல பிக்கல்கள், பிடுங்கல்கள். அனைவரையும் "திருப்தி" படுத்த வேண்டிய நிலை. எந்த ஒரு முடிவையும் தெளிவாக, உறுதியாக எடுக்க முடியாத நிலை. ஆட்சியை காப்பாற்றவே அதிக நேரம் செலவிடப் படவேண்டிய கட்டாயம். இந்த முறை கங்க்ரச்ஸ் அதிக இடங்களை பெற்றதால், நிலையான, உறுதியான அரசை எதிர் பார்க்க முடியும்.
பழையன கழிதலும் புதியன புகுதலும் - என்கிறது நன்னூல். காலத்துக் கேற்ப கொள்கைகளில் மாற்றம் வருவதில் தவறேதும் இல்லை. ஆனால், தோழர்கள் பிடிவாதமாக "பல" கொள்கைகளை எதித்தனர். கேரளாவும், மேற்கு வங்கமும் தொழில் துறையில் மற்ற மாநிலங்களை விட பின் தங்கி இருப்பது அந்த மக்களை சிந்திக்க வைத்துள்ளது. அதனால் இந்த முறை வலது, இடதுகளுக்கு தக்க பாடம் புகட்டிவிட்டனர். இனிமேலாவது, தங்கள் கொள்கைகளை மறு ஆய்வு செய்து, கொஞ்சம் மாறினால் நல்லது. இல்லையெனில், மேற்கு வங்கத்தையும், கேரளாவையும் மறந்து விடவேண்டியது தான்.
அரசியல் பச்சோந்திகளை மக்கள் அடையாளமும் கண்டுக் கொண்டு விட்டனர். தங்கள் சுய நலத்துக்காக அடிக்கடி அணிமாறியும், அரசை மிரட்டி தனக்கு வேண்டிய காரியங்களை சாதித்து வந்தவர்களையும் மக்கள் இனம் கண்டு கொண்டு விட்டனர். லல்லு, முலாயம், பஸ்வான், மாயாவதி, ராமதாஸ் போன்றோர் இனி திருந்தினால் நன்று.
தென்னிந்தியாவில் அரசியலையும், சினிமாவையும் பிரிக்க முடியாது. எம்ஜியார், என்டியார் போன்றோரின் வெற்றி பலரையும் அரசியலுக்கு வர தூண்டியது; தூண்டிக் கொண்டிருக்கிறது. அந்த வரிசையில் சமீபத்தில் புதிதாக கட்சி தொடங்கி, ஆட்சியை பிடிக்க முயன்ற சிரஞ்சீவி தோல்வியை சந்தித்து இருக்கிறார். வெறும் பதினெட்டு தொகுதிகளோடு கனவு கலைந்தது. மிக சாதரணமாக வெற்றி பெறுவர் என்று எதி பார்க்கப்பட்ட சிரஞ்சீவி தனது சொந்த ஊரிலேயே தோல்வியை தழுவி இருக்கிறார்.திருப்பதியில் கூட வெற்றி வித்தியாசம் மிகக் குறைவு. கட்சி ஆரம்ப விழாவில் கூடிய கூடத்தைக் கண்டு மிரண்டு போனவர்கள் இப்போது சிரிக்கிறார்கள். இவரின் தோல்வி மற்றவர்களை ஒருகணம் சிந்திக்க செய்யும்.
பொருளாதாரம் பாதிப்பு, விலை வாசி பிரச்னை, தொடர் குண்டு வெடிப்பு போன்ற பல பிரச்சனைகள் இருந்தாலும், காங்கிரசஸ் வெற்றிப் பெற்றுள்ளது. இதற்கு முக்கிய காரணம், சரியான எதிக் கட்சி இல்லாதது. பாரதிய ஜனதா கட்சியை இன்னும் ஒரு முழு தேசியக் கட்சியாக மக்கள் இன்னும் ஏற்றுக்கொள்ளவில்லை. காரணம் அவர்களது இந்துத்துவ கொள்கை. பல ஜாதி, மொழி, இன மக்கள் வாழும் நாட்டில் ஒரு குறிப்பிட்ட மக்களுக்கான கட்சியாக தங்களை சித்தரித்துக் கொள்கிறது. இந்த தோல்வியின் மூலம், தங்கள் பிடிவாதத்தை தளர்த்திக் கொண்டல் அவர்களுக்கு நல்லது.
இந்த தேர்தலில் கரும் புள்ளியாக இருப்பது பணநாயகம். தென்னிந்தியாவில், குறிப்பாக தமிழ் நாட்டில் பணம் பல வெற்றிகளை தீர்மானித்திருப்பது ஜனநாயகத்திற்கு பெரிய சவால். இதனால் பதவி காலத்தில் என்ன தவறு செய்தலும், கடைசியாக பணம் கொடுத்து வெற்றி பெற்றுக் கொள்ளலாம் என்ற எண்ணம் மேலோங்கும். அடுத்த தேர்தலுக்கு தங்களை தயார் செய்ய ஊழல் செய்ய தூண்டும். சாமானியர்கள் தேர்தலில் நிக்க தயங்கும் நிலை ஏற்படும். இதற்கு ஏழை மக்களை குறை சொல்ல முடியாது. பணத்தேவையை பூர்த்தி செய்ய பணத்தை வங்கிக் கொண்டு அவர்களுக்கே ஓட்டும் போடுகிறார்கள், நன்றி உள்ளவர்கள்!
அடுத்ததாக, அரசு இயந்திரத்தை ஆளும் கட்சியினர் தவறாக பயன்படுத்துகிறார்கள் என்ற குற்றச்சாட்டு உள்ளது. சிவகங்கை, விருது நகரில் நடந்த குழப்பங்கள் அதை ஊர்ஜிதம் செய்வதாகவே உள்ளது. அரசு பணியாளர்கள் எந்த வித விருப்பு வெறுப்பு இல்லாமல் , நேர்மையாக பணியாற்றினால் நல்லது.

இது எப்படி இருக்கு?

2009-05-16T12:33:00.015-06:00

Disclaimer: None of the above photos or news are intended to character assassination. These are merely the creations of a light hearted Indian cricket fan.

விகடன் விமர்சனம் : பசங்க

2009-05-14T20:17:00.006-06:00

'நம்ம பசங்க இவங்க!' என்று உச்சி முகர்ந்து உலகத்துக்குச் சொல்ல, சமகால வரலாற்றில் தமிழில் ஒரு சிறுவர் சினிமா!

முதல் முயற்சியிலேயே முத்திரை பதித்திருக்கிறார் அறிமுக இயக்குநர் பாண்டிராஜ். தியேட்டரில் அந்தப் பசங்களுடனேயே பயணித்துப் பிரிய மனமில்லாமல் திரும்பித் திரும்பிப் பார்த்துச் செல்லும் குழந்தைகளின் 'தேங்க்ஸ்' மொத்தமும் உங்களுக்கே உங்களுக்கு!சதா சண்டைக் கோழிகளாகப் பிரிந்து நின்று முட்டி மோதி மூக்குடைக்கும் குறும்புப் 'பசங்க' கதை. லிட்டில் டெரரிஸ்ட் ஜீவா. அப்பாவே வாத்தியாராக இருப்பதால், ஜீவாவின் அட்டகாசங்கள் ஊரையே உலுக்கியெடுக்கின்றன. கூடவே, கும்மாளமடிக்கும் சக ஜபர்தஸ்துகள் பக்கடா மற்றும் குட்டிமணி. அந்தப் பள்ளிக்கூடத்துக்கு வந்து சேர்கிறான் அன்புக்கரசு. ஆறாம் வகுப்பிலேயே 'அன்புக்கரசு ஐ.ஏ.எஸ்' என்று போட்டுக் கொள்ளும் ஸ்டூடன்ட் நம்பர் ஒன். முதல் நாளே அன்புக்கும் ஜீவாவுக்கும் மோதல். எதிரெதிர் வீட்டில் இருக்கும் இருவரின் குடும்பங்களும் தெருச் சண்டை போட்டுக்கொள்ளும் அளவுக்கு வினையாகிறது விளை யாட்டுச் சண்டை. இவர்களுக்கிடையே மோதல்என்றால், அன்புவின் எல்.ஐ.சி. சித்தப்பாவுக்கும் ஜீவாவின் பால்வாடி டீச்சர் அக்காவுக்கும் காதல். காதல் ஜோடி இணையத் துடிக்க, மோதல் பசங்க பிரிக்கத் துடிக்க... யார் ஜெயித்தார்கள் என்பது மீதிக் கதை!

'தோளில் கை போட்டால் குட்டையாகிவிடுவேன்' என்கிற பயம், 'இந்த அடியை நாளைக்கு வரைக்கும் மறக்காதே' என்று அன்பைச் செல்ல அடியாக வெளிப்படுத்தும் பிரியம், 'அது எப்படிடா ஒருத்தனுக்கு ஒண்ணுக்கு வந்தா எல்லாத்துக்கும் வருது?' என்கிற சந்தேகம் என... பால்ய காலத்தின் பக்கங்களை ஜாலியாகப் புரட்டும் கதைநான் தயிர்சாதம்', 'நான் சர்க்கரைப் பொங்கல்', 'நான் புளியோதரை' என்று எதிரி வீட்டு முற்றத்தை நாசம் பண்ணும் ஜீவா அண்ட் கோ ஒரு பக்கம், இல்லாத பைக்கைக் கற்பனை யாக ஓட்டிக் கனவு காணும் அன்புக்கரசு இன்னொரு பக்கம் என அறிமுகக் காட்சிகளும் அவர்களுக்கான 'ஓப்பனிங் ஸாங்'கும் அசத்தல்.

கைத்தட்டலுக்கும் பாராட்டுக்கும் ஏங்கும் அன்புக்கரசு கேரக்டர் தமிழ் சினிமாவுக்கே புதிது. 'பெர்ஃபெக்ட் ஸ்டூடன்ட்' கேரக்டரில் கிஷோர் பக்கா பாந்தம். சதா சண்டை போட்டுக்கொண்டே இருக்கும் அப்பா - அம்மாவைச் சமாதானப்படுத்த முயற்சிக்கும்போதும், வம்புக்கார ஜீவாவைச் சரிக்குச் சரி நின்று சமாளிக்கும்போதும் கிஷோரின் கண்களில் அத்தனை எக்ஸ் பிரஷன்கள்!

'குழந்தை வில்லன்' ஜீவாவாக ராம். அரசுப் பள்ளி வாத்தியார் பையன்களுக்கே இருக்கும் இயல்பான திமிர். வகுப்பில் தன்னைக் கண்டிக்கும் அப்பாவை, 'அவனை விட்டுட்டு என்னையத் திட்ற... இரு, அம்மாகிட்ட சொல்றேன்!' என்று எகிறும்போதும், அதே அப்பாவிடம் 'சிகரெட்டை விட்ருப்பா... எல்லாம் உன்னைக் கிண்டல் பண்றாங்க' என்று வரம் வாங்கும்போதும் தேர்ந்த நடிப்பு. தன் அப்பா, அன்புக்கரசுவைப் பாராட்டும்போதெல்லாம் ஜீவா முகத்தில் தெரிவது அக்னி நட்சத்திரச் சூடு!

ஜீவாவின் கைத்தடிகளாக வருகிற பக்கடா (பாண்டியன்), குட்டிமணி(முருகேஷ்) இருவரும் காªமடி ரவுடிகள். 'ஜீவா கோபமாயிட்டான். அவன் பணக் காரன்டா. சட்டைப் பையைக் கிழிச்சுக்குவான்டா!' என்று ஜீவாவை உசுப்பேத்தி, சில்லறைகளைச் சிதற வைக்கிற பக்கடாவின் ஐடியாக்கள் அத்தனையும் சிரிப்பு பாஸ்பரஸ். பக்கடா ஏத்திவிட... 'ம்ம்' என்று அதற்கு ஜால்ரா வாசிக்கிற குட்டிமணியின் பக்க வாத்தியம் அவ்வளவு அழகு. 'அம்மா... குஞ்சுமணி வெளியே வந்திருச்சு!' என்று ஓட்டை ஜட்டியுடன் அறிமுகமாகும் 'புஜ்ஜிமா' கார்த்திக் ராஜா குறும்பு ஹைக்கூ. இரு குடும்பங்களும் நடுத்தெருவில் சண்டை போடும்போது, வாத்தியாரைப் பார்த்துக் 'கொன்னுருவேன்' என்று பிஞ்சு விரல் காட்டுவதும், பெண் குழந்தைகளிடம் அன்பு காட்டி ஆண் குழந்தைகளை அடித்துவைத்து 'எப்பூடி?' என்று கேள்வி கேட்டும், படம் முழுக்க ரகளை செய்கிறான். ஜீவாவின் அத்தைப் பெண் புவனேஸ்வரியாக வரும் தாரிணியின் கண்களில் கள்ளமில்லா சில்மிஷ காந்தம்!

'இங்கிட்டு மீனாட்சி... அங்கிட்டு யாரு?' என்று சதா மொபைல் மொக்கையில் பிஸியாகத் திரியும் எல்.ஐ.சி. ஏஜென்ட்டாக வரும் விமல், அறிமுகமா? ஆச்சர்யப்படுத்துகிறார். 'ஒரு பாலிஸிகூடக் கிடைக்கலை. எப்படியும் உங்கப்பா நம்ம காதலைச் சேர்த்துவைக்க மாட்டாரு. பழகுன பழக்கத்துக்கு ஒரு பாலிஸி யாவது போடேன்!' என்று காதலியிடமே கையெழுத்துக் கேட்பதில், டிரேட் மார்க் தமிழக விடலையைக் கண் முன் நிறுத்துகிறார். அட, 'சரோஜா' வேகாவா இது? பால்வாடியில் தூங்கி வழியும் சோப்ளாங்கி டீச்சராக, 'நீங்க என்னைப் பாராட்டுறீங்களா... இல்லை, ஓட்டுறீங்களா?' என்று குழம்புகிற அசட்டு அழகு ஃபிகராகப் பின்னியிருக்கிறார். 'கேணப் பய! கிறுக்கச்சி மாதிரி என்னைத் தனியாப் பேசவெச்சிட்டானே' என்று புலம்புவதும், புருவ நெளிவுசுளிவுகளிலேயே கதை பேசுவதுமாக... வேகா-ஆஹா!

செல்போன்களையே காதலுக்கு உதவும் உருப்படிகளாகக் காட்சிப்படுத்தியிருப்பது லவ்லி. 'மாமோய்! நீங்க எங்க இருக்க்க்க்க்க்கீங்க?' என்று ஆரம்பித்து, விதவிதமாகக் கதறும் ரிங்டோன்களையே காதல் காட்சிகளுக் குப் பின்னணி இசையாகச் சேர்த்திருப்பது ரசனை.ஜீவாவின் அப்பாவாக வரும் வாத்தியார் சொக்கலிங்கத்துக்கு (ஜெயப்பிரகாஷ்), ரோல்மாடல் வாத்தியார் கேரக்டர். தேவையான பாவனைகளைத் தேர்ந்தெடுத்துத் தருகிறார். அன்புக்கரசுவின் அப்பாவாக வரும் சிவக்குமாரும், அம்மாவாக வரும் செந்திகுமாரியும் நடுத்தர வர்க்கத்துக்கும் கீழான படியிலிருக்கும் வர்க்கங்களின் பெற்றோர்களைக் கண்ணாடியாகப் பிரதிபலிக்கிறார்கள்.

ஒரு நடுவாந்தர நகரம், அதன் மனிதர்கள், அதன் வருட முழுமைக்குமான இயக்கங்களை (தீபாவளித் தள்ளுபடி வண்டி, 'சார், கொஞ்சம் ஓரமா நின்னு சண்டை போடுங்க சார்' என்று அறிவித்து நகர்ந்து செல்வது வரை... பிரமாதம்!) அச்சு அசலாகப் படியெடுத்திருப்பதில், கலை இயக்குநருக்கும் ஒளிப்பதிவாளருக்கும் சரிசம சபாஷ்! பருவங்களாக நகர்கிற கதையில் மழை, வெயில், வசந்தம் என்று கால நிலைகளைக் கச்சிதக் காட்சிகளாக்கி இருக்கிறார் ஒளிப்பதிவாளர் பிரேம்குமார். ஜேம்ஸ் வசந்தன் இசையில் பாலமுரளி கிருஷ்ணாவின் குரலில், 'அன்பாலே அழகாகும் வீடு...' மனதைப் பஞ்சாக இழையவைக்கிறது.

ஒரு சின்ன நகரத்தில் இப்படி ஒரு ஜோடி ஸ்கூட்டியில் வளைய வரும் விஷயம் வீடு வந்து சேர எத்தனை நாளாகும்? முதல் பாதியில் வேடிக்கை வினோதக் காட்சிகளே தொடர்வது, ட்விஸ்ட் அண்ட் டர்ன் எதிர்பார்க்கும் யுகத்தில், கொஞ்சம் நீளமே. அன்புவின் அப்பா குடம் தயாரிக்கும் ஃபேக்டரி ஆரம்பிக்கும்போதே கணவன்-மனைவி இருவரும் ராசியாகிவிடுகிறார்கள். அதற்கடுத்தும்விவாகரத்து அளவுக்கு வரும் குடும்பச் சண்டையும், சொக்கலிங்க வாத்தியாரின் அட்வைஸூம் திணிக்கப்பட்ட உணர்வையே தருகின்றன. படத்தின் பெரும்பான்மைக் காட்சிகளில் இல்லாத சினிமாத்தனம், அன்புக்கு ஆக்ஸிடென்ட் ஆவதில் இருந்து எட்டிப் பார்த்து, 'உள்ளேன் ஐயா' சொல்கிறது.பெற்றோருக்கும் குழந்தைகளுக்குமான இருவேறு உலகங்களை இணைத்து அத்தனை நல்ல விஷயங்களையும் சொல்கின்றன ஒவ்வொரு காட்சியும் வசனமும். பஞ்ச் பேசி, பறந்து அடித்து, ரிப்பீட் கதைகளால் ரிவிட் அடிக்கும் அத்தனை ஆல் கிளாஸ் மாஸ் ஹீரோக்களுக்கும் அலாரம் அடிக்கிறார்கள் இந்தக் குட்டிப் 'பசங்க.

நன்றி : விகடன்

பள்ளிக்கூடங்கள் சித்ரவதை கூடங்களா?

2009-05-07T17:48:00.003-06:00

கொஞ்ச நாள் முன்னாடி கழிப்பறை வசதி இல்லாமல் , பள்ளிகளில் படிக்கும் மாணவியர் எப்படி கஷ்டபடுரங்க ன்னு எழுதி இருந்தேன். இந்த மாதிரி விசயங்களை அரசுக்கு புரிய வைக்க இதுதான் சரியான நேரம். இளம் வக்கீல்களை கொண்டு நடத்தப் படும் பீப்பிள்ஸ் கார்டியன்' என்கிற அமைப்பு இந்த பிரச்சினை பற்றி மக்களிடம் விழிப்புணர்வை ஏற்படுத்த முயற்சித்து வருகிறது.

இதைப் பற்றி இந்த வரம் ஜூ.வீ யில் வந்த கட்டுரை:

''கழிப்பிடம் கட்டித்தருவோம்னு எந்தக் கட்சி வாக்குறுதி குடுக்குதோ, அந்தக் கட்சிக்குத்தான் ஓட்டு!'' என்றொரு வித்தியாசமான கோரிக்கை பொதுமக்கள் மத்தியில் எழுந்துள்ளது. இதற்காக 'கழிவறை கட்டிக்கொடு' என்கிற இயக்கம் ஆரம்பித்து, சென்னையில் பிரசாரத்தையும் ஆரம்பித்திருக்கிறது 'பீப்பிள்ஸ் கார்டியன்' என்கிற இளம் வழக்கறிஞர்கள் குழு. அதன் செயலாளர் பச்சைமுத்துவை சந்தித்துப் பேசினோம்.''பொது சுகாதாரம் சம்பந்தமான கருத்தாய்வுக் கூட்டம் ஒன்றில் பங்கேற்ற போதுதான், பொதுக் கழிவறை இல்லாததன் பயங்கரங்களை உணர முடிந்தது.விடுதியும் சைதாப்பேட்டை, கோடம்பாக்கம், வில்லிவாக்கத்தில் இருக்கும் மாணவர்கள் விடுதிகளும் மனிதர்கள் வசிக்கவே லாயக்கில்லாதவை.

கட்டணக் கழிப்பறைகள் பற்றிச் சொல்லத் தேவை யில்லை. ஒரு ரூபாய் கொடுத்து உள்ளே சென்றால்,ஒரு லட்ச ரூபாய் செலவழிப்பதற்கான நோய்களை வாங்கி வரலாம். அப்படியிருந்தும், துர்நாற்றம் பிடித்த கழிவறைகள் மொத்தத் தையும் அரசியல்வாதிகள்தான் ஆக்கிரமித்து வைத்திருக்கிறார்கள். 'ஓட்டு வாங்கி ஆட்சிக்கு வரும் அவர்கள், காசு வரும் என்பதற்காக கழிவறைகளையே ஆக்கிரமித்து வைத்திருக்கிறார்களே... அவர்களுக்கா நம்முடைய ஓட்டு?' என்பதுதான் எங்கள் பிரசாரம். பல்வேறு பெண்கள் அமைப்புகள், மாணவர் அமைப்புகள் எங்களோடு களத்தில் இருக்கிறார்கள். தேர்தல் சமயத்தில் இந்தக் கோரிக்கையை கையிலெடுத்தால் பலன் கிடைக்கும் என்று எடுத்துச் சொன்னதும் அவர்கள்தான். சென்னையில் மட்டுமே இந்தப் பிரசாரத்தை மேற்கொள்ளவிருக்கிறோம். ஒருவேளை அரசியல் கட்சிகள் இது குறித்து செவிசாய்க்கவில்லை என்றால், எங்கள் வழக்கறிஞர்கள் குழு நீதிமன்றத்தில் பொதுநல வழக்குத் தொடரும்!'' என்றார்.

'சூழல் சுகாதாரக் கல்விக் கருவூலம்' அமைப்பின் இயக்குநர் எஸ்.கிருஷ் ணமூர்த்தி, ''2008-ம் வருடத்தை உலக சுகாதார ஆண்டாக ஐ.நா அறிவித்திருந்தது. இதன்மூலம் பல்வேறு நாடுகளிடமிருந்து பல கோடி ரூபாய் நமக்கு நிதியுதவி கிடைத்தது. ஆனால், மத்திய-மாநில அரசுகள் இதற்கு முக்கியத்துவம் கொடுக்கவில்லை. கழிப்பிடம் இல்லாததால், அதிகம் பாதிக்கப்படுவது பெண்கள்தான். உடல் ரீதியான பாதிப்புகளுடன் உளவியல் ரீதியாகவும் பாதிக்கப்படுகிறார்கள். பள்ளி மற்றும் கல்லூரிகளில் முறையான கழிப்பிடம் இல்லாததால்... மாதவிலக்கு சமயங்களில் ஒவ்வொரு மாதமும் ஐந்து நாட்களை மாணவிகள் இழக்கிறார்கள். இது கல்வி மறுக்கப்படுவதற்கு இணையான செயல். கழிவறை இல்லையென்ற ஒரே காரணத்துக்காக தமிழ்நாட்டில் மட்டும் பல்லாயிரக்கணக்கான மாணவிகளின் படிப்பைப் பெற்றோர்களே நிறுத்தியிருக்கிறார்கள். இது, 'பெண் கல்வியை மேம்படுத்தவேண்டும்!' என்கிற அரசின் அடிப்படை நோக்கத்தையே சிதைத்துவிடுகிறது.

சுகாதாரமற்ற கழிவறையைப் பயன்படுத்தும் மாணவிகளுக்கு முதலில் சிறுநீரகத் தடத் தொற்று ஏற்பட்டு, அது கருப்பாதைக்குப் பரவி, வெள்ளைப்படுதல் போன்ற பல்வேறு பிரச்னைகளை உண்டாக்குகிறது. சிலருக்கு மலட்டுத் தன்மையும் உண்டாகிறது. மேலும், மாணவிகளின் இயல்பான உடல்நலம் பாதிக்கப்படுவதோடு, அவர்களுக்குப் பிறக்கும் குழந்தைகளையும் இது நோஞ்சானாக்குகிறது. ஆக, 'ஒரு கழிவறை, நேரடியாக ஒரு பெண்ணின் கல்வி, உடல்நலம் ஆகியவற்றை பாதிப்பதோடு அவளுடைய அடுத்த தலைமுறையையும் பாதிக்கிறது' என்பதை அரசு கவனத்தில் கொள்ளவேண்டும்.

மேலும், எட்டு லட்சியங்கள் அடங்கிய 'புத்தாயிரமாண்டின் வளர்ச்சி இலக்குகள்' ஒன்றையும் ஐ.நா. சபை அறிவித்துள்ளது. இதன்படி, 2015-ம் ஆண்டுக்குள் உலகின் அனைத்து நாடுகளும் இந்த லட்சியங்களை அடைந்திருக்கவேண்டும். அனைத்து நாடுகளும் ஏற்றுக்கொண்ட இந்த ஒப்பந்தத்தில், ஏழு லட்சியங்கள் பொது சுகாதாரத்தோடு சம்பந்தப்பட்டவை.'ஒருவருக்கு வயிற்றுப் போக்கு. ஒரு வாரம் வேலைக்குப் போகவில்லை. கந்துவட்டிக்குக் கடன் வாங்குகிறார். கடனை அடைப்பதற்காக கிராமத்தை காலி செய்துவிட்டு நகரத்தில், பிளாட்பாரத்தில் குடியேறுகிறார். இந்த நிகழ்வுகள், பொது சுகாதாரம் இல்லாததால் ஒருவர் வறுமைக்குத் தள்ளப்பட்டதையே காட்டுகிறது. இது முதல் லட்சியமான 'வறுமை ஒழிப்பை' காலி செய்கிறது. இரண்டாவது லட்சியம், 'அனைவருக்கும் கல்வி' என்பது. கடந்த மாதம் மறைமலை நகர் அருகேயுள்ள அரசுப் பள்ளி ஒன்றின் மாணவிகள் இருவர், கழிவறை இல்லாததால் பக்கத்தில் இருந்த குளத்துக்குச் சென்று அதிலேயே மூழ்கி இறந்துவிட்டனர். கல்வியே கிடைக்காத பட்சத்தில் மூன்றாவது லட்சியமான 'பெண்கள் மேம்பாடு'ம் நிறைவேறாமல் இருக்கிறது. மேலும், சுகாதாரக் குறைவால் இந்தியாவில் இதுவரை 15 லட்சம் சிசு மரணங்கள் நிகழ்ந்திருக்கின்றன. இது நான்காவது லட்சியமான 'சிசு மரணத் தடுப்பு'க்கு எதிரானது. கழிவறை இல்லாமல் மலம், சிறுநீரை அடக்குவதன் மூலம் பல பெண்களுக்கு கர்ப்பப்பை வெளியேறிவிடுகிறது. இது ஐந்தாவது லட்சியமான 'கர்ப்ப கால ஆரோக்கியத்தை' பாதிக்கிறது. இப்படியாக பொது சுகாதாரம் எட்டப்படாததால்... அனைத்து லட்சியங்களும் நிறைவேறாமல் கிடக்கின்றன. 'நிர்மல் கிராம் புரஸ்கார்' என்னும் விருதை, திறந்த வெளியில் மலம் கழிக்காத கிராமங்களுக்கு மத்திய அரசு வழங்கி வருகிறது. கடந்த ஆண்டு மட்டும் சுமார் 15 ஆயிரம் விருதுகள் வழங்கப்பட்டிருக்கின்றன. இதன்மூலம் பல கிராமங்கள் சுத்தமாகியிருக்கிறது. ஆனால், நகர சுகாதாரம் படுமோசமாக உள்ளது. எனவே, இதேபோன்ற விருதை நகர்ப்புறங்களுக்கும் வழங்கினால், சென்னை மாநகரமும் சுத்தமாகும். அந்த வகையில், கழிவறையைக் கட்டிக்கொடுக்க வேண்டியது அரசின் தலையாய கடமை!'' என்றார்.

சுகாதாரத்தில் கொடி கட்டிப் பறக்கும் நாடுகளே தொற்று நோய்களின் வீரியம் கண்டு கதிகலங்கிப் போயிருக்கும் நிலையில், நாம் பயணிக்க வேண்டிய தூரம் மிகமிக அதிகம். அப்படியிருக்க, மிகமிக அடிப்படையான விஷயங்களில் மளமளவென்று அடியெடுத்து வைத்து நாம் போவதுதானே புத்திசாலித்தனம்!

நன்றி : ஜூ வி

சச்சின் டெண்டுல்கருக்கு இன்று 36 ஆவது பிறந்தநாள்

2009-04-24T09:25:00.002-06:00

சச்சினின் கிரிக்கெட் போலவே அவருடைய குடும்பப் பாசமும் நம்மை பிரமிக்க வைக்கிறது.

சச்சின் டெண்டுல்கருக்கு இன்று 36 ஆவது பிறந்தநாள். பிறந்த நாள் அதுவுமாக தன்னுடையக் குடும்பத்தாரிடமிருந்து வந்த வாழ்த்துக்களை எண்ணி பூரித்துப் போகிறார் சச்சின். குறிப்பாக மனைவி அஞ்சலி மீதும் மகள் சாரா மீதும் சச்சின் காட்டும் அன்பு அலாதியானது. மனைவி சொல்லே மந்திரம் என்கிறார் சச்சின். அவளில்லையேல் அணுவும் அசையாது என்றும் சொல்கிறார் (ஆஹா என்ன அன்பு, எத்தனை அன்பு!).

சச்சினைக் கண்டாலே அலறும் உலகப் பந்துவீச்சாளர்கள் அவருடைய மறுபக்கத்தை அறிந்தால் ஆச்சர்யப்படுவார்கள். கிரிக்கெட்டை தவிர்த்து சச்சினின குடும்பப் பிணைப்பைப் பற்றி அறியும்போது நமக்கும் ஆச்சர்யம் வருகிறது.கிரிக்கெட் நுணுக்கங்களைப் போல குடும்ப நுணுக்கங்களான அன்பு, பாசம், அக்கறை, நகைச்சுவை எல்லாம் கலந்து கட்டியவர் சச்சின்.பேட்டால் பந்தை அடித்து ரன்களைக் குவிக்கும் சச்சின், அன்பால் மனங்களை அடித்து அதே அன்பை நிறையவே பெறுபவர்.

சமீபத்தில் நிகழ்ச்சி ஒன்றில் குடும்பத்துடன் கலந்துகொண்ட சச்சின். மனைவி அஞ்சலி, மகன் அர்ஜூன், மகள் சாரா ஆகியோருடன் அமர்ந்திருந்த சச்சினை மேடைக்கு அழைத்தனர். மேடையில் ஏறி மைக் பிடித்த சச்சின், முன்வரிசையில் தனக்கு முன்னே அமர்ந்திருந்த மனைவி அஞ்சலியைப் பார்த்து சிரித்தபடியே,

”வெற்றிகரமான ஒவ்வொரு ஆணுக்குப் பின்னாலும் ஒரு பெண் இருப்பாள். ஆனால், என்னைப் பொருத்த வரை, அவள் பின்னால் இல்லை எனக்கு முன்னால் இருக்கிறாள்” என்றாரே பார்க்கலாம்.மனைவி குறித்த சச்சினின் இந்தப் பேச்சு அங்கு கூடியிருந்த அனைவரையும் வாய்விட்டு சிரிக்க வைத்ததுடன் சிந்திக்கவும் வைத்தது.அதேசமயம் சச்சின் தன்னுடைய வெற்றியின் பின்னால் மனைவி மட்டுல்லாமல் மற்றும் இரண்டு பெண்களுக்கு இடமுண்டு என்றார்.

”என்னுடைய மன உறுதிக்கு அஞ்சலிதான் தூண். நான் தொய்வடையும் போதெல்லாம் தாங்கிப் பிடிப்பவள் அவள். அதன் பிறகு என்னுடைய அம்மா. இவர்கள் இருவரும்தான் என் வாழ்க்கையின் பெரும்பான்மை பகுதியை ஆள்பவர்கள். மேலும் தற்போது அந்த குரூப்பில் என் குட்டி மகள் சாராவும் சேர்ந்துவிட்டாள்” என்றார்.சச்சின் தன்னுடைய பிறந்தநாளுக்கு வந்த பரிசுகளில் உச்சி முகர்வது மகளும் மகனும் தங்கள் கைகளால் செய்து அனுப்பிய வாழ்த்து அட்டைகளைத்தான்.

”அவர்களுடைய அன்பையும் அக்கறையையும் பார்க்கும்போது தந்தையுடன் என் பிறந்தநாளைக் கொண்டாடிய நாட்கள் நினைவுக்கு வருகின்றன. அதேநேரம் மனைவியின் வாழ்த்தும் எனக்கு முக்கியமானது” என்கிறார் சச்சின்.அவருடையப் பிறந்தநாளின்போது நடந்த மறக்க முடியாத ஒன்றைப் பற்றி கேட்டால், ”1998 ஏப்ரல் 24ஆம் தேதி சார்ஜாவில் நடந்த ட்ரைஆங்குலர் போட்டியில், ஆஸ்திரேலியாவுக்கு எதிராக நான் அடித்த சதம் அணியின் வெற்றிக்கு உதவியது” என்று நினைவுகூர்கிறார்.

உங்கள் எதிர்கால கனவு என்ன என்றால், ”நம்மை மறந்து உறங்கும் போதுதானே கனவு வரும்?” என்று கலாய்ப்பவர், ”உலகக் கோப்பையை இந்தியாவுக்குப் பெற்றுத் தர வேண்டும்” என்று சொல்கிறார்.சச்சின் சகலகலா வல்லவர்தான். பின்னே, என்னதான் மாபெரும் சாதனையாளராக இருந்தாலும் வீட்டில் பொண்டாட்டி மனம் கோணாமல் நடந்துகொள்ள ஆம்பளைக்கு தனித்தகுதி வேண்டாமா என்ன?

நன்றி : தமிழ்வாணன்

தேர்தல் காமெடி

2009-04-23T21:43:00.004-06:00

பின்னுறாரு விஜய டி.ஆரு!

கடந்த 16-ம் தேதி... ல.தி.மு.க. (அதாங்க லட்சிய திராவிட முன்னேற்ற கழகம்...என்ன லட்சியம்னு ஆராய்ச்சியெல்லாம் நடத்தக் கூடாது!) தலைவரான விஜய டி.ராஜேந்தர் பிரஸ் மீட் வச்சிருந்தார்.பத்திரிகைகள்தான் அவரை வச்சு காமெடி பண்றாங்கன்னா, அவரே அவரைப் பத்தி காமெடி பண்ணிக்கிறதை எங்கே போய் சொல்றதுன்னே தெரியலை!

''நாங்க கூட்டணி சம்பந்தமா முதல்ல சமத்துவ மக்கள் கட்சித் தலைவரான சரத்குமார்கிட்ட பேசினோம். அப்புறம் நாடாளும் மக்கள் ('நாம') கட்சித் தலைவரான நடிகர் கார்த்திக்கோட பேசினோம். புதிய தமிழகம் கட்சித் தலைவரான டாக்டர் கிருஷ்ணசாமி யோடவும் பேசினோம். ஆனாலும், யாரும் எங்க கூட்டணிக்கு ஒத்துவரலை.

பி.ஜே.பி. , ம.ம.க-னு அவங்க மூலைக்கு ஒருத்தரா பிரிஞ்சு போயிட்டாங்க. கூட்டணிக்கு ஆள் கிடைக்கலைங்கிறதுக்காக நாங்க சும்மா இருக்க முடியுமா என்ன..? இந்தத் தேர்தல்ல அஞ்சு தொகுதியில ஆள் நிறுத்திட்டேன்ல. நானும்கூட போட்டியிடறேன். ஆள் கிடைச்சா எட்டு தொகுதிகள்ல போட்டியிடுற ஐடியாவும் இருக்கு... எப்படி நம்ம செயல்பாடு?!'' - இதாங்க டி.ஆரோட ஒளிவு மறைவில்லாத பேச்சு! என்னதான் காமெடி பண்ணினாலும் இப்படி தடாலடியா பேசவும் ஒரு தில்லு வேணும்தானே!

'ஆரம்பமே அபசகுனமா இருக்கே..!''

சேலம் மாவட்ட ஆட்சியர் அலுவலகத்துக்கு காலையில் முதல் ஆளாக வேட்புமனுத் தாக்கல் செய்ய வந்தார் ஷாஜகான். அவர் கையெழுத்துப் போடப்போன நேரம் பார்த்து மின்சாரம் தடைப்பட, ''ஆரம்பமே அபசகுனமாஇருக்கே... ஒருவேளை தோத்துப் போயிடுவோமோ...'' என்று உடன் வந்தவர்களிடன் கவலையோடு கேட்டார்.''அதெல்லாம் ஒண்ணும் ஆகாது. நீங்கதான் எம்.பி. தைரியமா கையெழுத்துப் போடுங்க!'' என்று அவர்கள் உற்சாகமூட்ட, கையெழுத்துப் போட்டார் ஷாஜகான்.

வெளியே வந்தவரிடம் பேச்சுக் கொடுத்தோம். ''போன நாடாளுமன்றத் தேர்தல்ல போட்டி போட்டு எட்டாயிரத்து சொச்சம் ஓட்டு வாங்கினேன். காதலர்களின் நலனுக்காக அப்போ நான் நல்ல பல திட்டங்களை அறிவிச்சதால, காதலிக்கிறவங்க எல்லோருமே எனக்கு ஓட்டுப் போட்டாங்க. இந்த முறையும் பிரசாரத்தில் கட்டாயம் நான் காதலர்களுக்குக் குரல் கொடுப்பேன். அதேபோல 'வேலைக்குப் போறவங்க எல்லோருமே ஒருநாள் வேலையை விட்டுட்டுத்தான் ஓட்டுப் போட வர்றாங்க. அதனால அந்த இழப்பை சரிக்கட்ட ஓட்டுப் போடும் மக்களுக்கு அலவன்ஸ் குடுக்கணும். இப்படி பணம் கொடுப்பதால், மக்கள் ஆர்வத்தோடு ஓட்டுப் போட வருவாங்க. இந்தக் கோரிக்கையை நான் தேர்தல் கமிஷனுக்கு அனுப்பியிருக்கேன். அவங்க நடவடிக்கை எடுக்கலைன்னாலும், நான் ஜெயிச்சு நாடாளுமன்றம் போனதும் கண்டிப்பா குரல் கொடுப்பேன்!'' என்று அசத்தினார்.

சரத் குமார் கட்சி வேட்பாளர் எஸ்கேப்!

சரத்குமாரின் ச.ம.க சார்பில் ஸ்ரீ பெரும்பதூர் தொகுதியில் 'ராவணன்' (!) ராமசாமி என்பவர் போட்டியிடுவர் என்று அறிவிக்கப் பட்டது. கடைசி நாள் கூட மனு தாக்கல் செய்ய வரதாவரிடம் ஏன் என்று கேட்ட பொது, நான் கட்சியிலேயே இல்லை. அடிப்படை உறுப்பினர் பொறுப்பிலிருந்து கூட விலகிவிட்டேன் என்று 'குண்டை' தூக்கி போட்டார்!

டெல்லிக்கு டவுன் பஸ்!

தஞ்சாவூர் தொகுதியில சுயேச் சையா போட்டியிடுற சோழ மன்னர் பரம்பரையைச் சேர்ந்தவரான கனக ராஜா, வேட்பு மனுத்தாக்கல் பண்ணிய உடனே, பிரசாரத்தை ஆரம்பிச்சிட்டார். கலெக்டர் ஆபீஸ் வாசல்ல நின்ன பொதுமக்கள்கிட்ட, ''நான் ஜனாதிபதி தேர்தலுக்கே போட்டியிட்டவன். அஞ்சு தடவை பார்லிமென்ட் தேர்தலிலும், ஆறு தடவை சட்டமன்றத் தேர்தலிலும் போட்டியிட்டிருக்கேன். அதனால மக்களோட எல்லா பிரச்னைகளும் எனக்கு அத்துப்படி. நான் எம்.பி. ஆனேன்னா தஞ்சாவூர்லேர்ந்து டெல்லிக்கு டவுன் பஸ் விடுவேன். விளையாட்டுக்குச் சொல்லலை... உங்கள்ல எத்தனை பேரு டெல்லியை நேர்ல பார்த்திருக்கீங்க? இந்த மாதிரி யெல்லாம் யாராச்சும் உங்ககிட்ட அக்கறையா என்னிக்காவது விசாரிச்சிருக்காங்களா?'' என சீரியஸாகப் பேசிக்கொண்டே போனார். கேட்டவர் களுக்குத்தான் கிர்ர்ர்ரு!

நன்றி : ஜு.வி

அரசு பள்ளி , பெண்கள், அடிப்படை வசதி ?

2009-04-19T20:48:00.004-06:00

இந்த வாரம் ஆனந்த விகடனில் வந்த 'நாஞ்சில் நாடன்' கட்டுரை மிகவும் பாதித்தது. பள்ளிகளில் படிக்கும் சிறுமிகள் மாதவிடாய் காலத்தில் அடிப்படை கழிப்பறை வசதி கூட இல்லாமல் தவிப்பதை பற்றி எழுதி இருந்தார். நான் ஒரு கிராமத்தில் அரசு பள்ளியில் படித்தவன். அந்த மேல்நிலைப் பள்ளியில் ஆறாம் வகுப்பு முதல் பனிரண்டாம் வகுப்பு வரை இருந்தது. பத்தாம் வகுப்பு வரையில் மாணவர்கள் மட்டுமே. மற்ற இரு வகுப்புகளும் ஆண்- பெண் என இரு பாலருக்குமாக இருந்தது. ஆனால் எல்லா நேரமும் வகுப்பறையில் மாணவியர் இருக்க மாட்டர்கள். அவர்களுக்கென்று தனியாக ஒரு அறை. அந்த அறையிலிருந்து பாடம் நடத்தும் வகுப்பரைக்கோ, ஆய்வுக் கூடங்களுக்கோ வந்து போவர். வகுப்பறையில் பெஞ்ச் பற்றகுறையினால் பல மாணவியர் தரையில் தான் அமருவார்கள்.

பெண்களுக்கு அந்த பள்ளியில் பல பிரச்சனைகள். ஆண்கள் பள்ளி என்பதால் எங்கு பாத்தாலும் பசங்கதான். அதிலும் நாலஞ்சு வருஷம் பெயிலாகி ஒன்பதாவது, பத்தாவது படிக்கும் மாணவர்கள் கொடுக்கும் தொல்லைகள் அதிகம். ஒருமுறை ஒன்பதாவது படித்துக் கொண்டிருந்த ஒருவன் மாணவியர் அமரும் அறையின் முன் ஒரு காதல் கடிதத்தை வைத்து விட்டு வந்து விட்டன். இந்தப் பார்த்த உதவி தலைமை ஆசிரியர், அவனை கண்டித்து அனுப்பி விட்டார். அதற்கப்புறம் மாணவியர்களுக்கு பல கட்டுப்பாடுகள். பசங்களிடம் பேசக் கூடாது; அருகருகே (!) நடந்து செல்லக் கூடாது...

வகுப்பறையில் அவர்கள் படும் கஷ்டம் இன்னும் கொடுமை. கேள்வி கேட்கவோ, வகுப்புக்கு பின் ஆசிரியர்களை சந்தித்து சந்தேகம் கேட்கவோ மிகவும் தயங்குவார்கள். ஒரு புத்தகமோ, வினாத்தலோ, லேப் ரிப்போர்ட் ஒ மாணவர்களிடமிருந்து வாங்க படாத பாடு படுவார்கள்.

கழிப்பறை இன்னும் கொடுமை. மாணவர்களுக்கென்று தனியாக கழிப்பிடம் கிடையாது. பள்ளிக்கு பின்புறம் உள்ள பகுதிக்கு சென்று, எதாவது ஒரு மரத்தை பிடித்துக் கொள்வார்கள். கிட்டத்தட்ட 500 மேற்பட்ட மாணவர்களுக்கு ஒரு சிறிய இடம் தான். 100 மீட்டர் வரை நாற்றம் வீசும். பெண்களுக் கென்று ஒரு சுவர் வைத்த, ஐந்தாறு பேர் பயன்படுத்தக் கூடிய ஒரு சிறு கழிப்பறை உண்டு (ஆசிரியைகளுக்கும் அது தான்). பெண்கள் அறையிலிருந்து கழிப்பறை செல்லவே 15 நிமிடம் ஆகிவிடும். மாணவர்கள் வகுப்பறையை தாண்டி செல்ல வேண்டும். சில சமயம் கழிப்பறைக்கு அருகில் இருந்த சிறு மைதானத்தில் கோ -கோ விளையாண்டுக் கொண்டுஇருப்பர்கள். கஷ்டம் தான்....சில நேரங்களில் வகுப்பறையிலிருந்து இரண்டு மாணவிகள் மட்டும் வெளியேறும் போது, மாணவர்களிடம் ஒரு சிறு சலசலப்பு இருக்கும். என் செல்கிறார்கள் என்று தெரிந்தாலும், அதை கிண்டல் செய்வார்கள். இது மாதிரி பலபல பிரச்சனைகள்..இருந்தாலும் ஒவ்வொரு வருடமும் மாணவியர் அதிக சதவிகிதம் தேர்ச்சி பெறுவர்.

இதை நினைக்கும் பொழுது நாஞ்சில் நாடனின் இந்த வரிகள் மிகவும் உண்மையனதகவே தோன்றுகிறது.

"உயர்நிலைப் பள்ளி உள்ளூரில் இருந்தால், நடந்து போய் வரும் தூரத்தில் இருந்தால், துணைக்கு வேறு பெண்களும் இருந்தால், தொடர்ந்து படிப்பார்கள் சிலர். அவர்களில் பலர், படிப்பில் தோளுக்கு இணையாக ஓடிவரும் கெட்டிக்காரிகளாக இருந்தும்கூட பள்ளி தாண்டி, கல்லூரி நுழைந்தது இல்லை. அவ்விதம் படிப்பை இடையில் முறித்துக்கொண்டு, சில ஆண்டுகள் வீட்டில் அடைந்து, சமையலும் பிற வீட்டு வேலைகளும் தேர்ந்து, திருமணமாகி, குழந்தைகள் பெற்று வளர்க்கப் போனார்கள். அவ்வாறு போனதன் காரணம் குடும்ப கௌரவமோ, சாதி மரியாதையோ, கற்பு காத்தலோ, படிக்கவைத்தால் சமமான மாப்பிள்ளை தேட வேண்டும் என்ற கவலையோ மட்டும் அல்ல என்று எனக்கு இப்போது தோன்றுகிறது."

மும்பை சென்னை - ஹை லைட்ஸ்

2009-04-18T14:28:00.002-06:00

மும்பை பேட்டிங்:

சென்னை பேட்டிங்:

லட்சுமன், திராவிடை அடுத்து கங்குலி!

2009-04-17T18:23:00.004-06:00

லட்சுமன், திராவிடை அடுத்து கங்குலி தனது கேப்டன் பதவியை இழந்துள்ளார். கொல்கத்தா நைட் ரைடெர் புதிய காப்டனாக McCullum நியமிக்கப் பட்டுள்ளார். கடந்த வருடம் ஐபிஎல் உருவான போது, மூத்த வீரர்களான சச்சின், கங்குலி, டிராவிட், லக்ஸ்மன், சேவாக் போன்றோர் அவர்கள் சார்ந்த மாநிலங்கள் உள்ள அணிக்கு தலைமை பொறுப்பேற்றனர். அப்போதே விமர்சனங்கள் எழுந்தன. டிராவிட் ,லக்ஸ்மன் போன்றோர் எல்லாம் இந்த வேகமான ஆட்ட முறைக்கு தங்களை மாற்றிக் கொள்வதே சிரமம்; இதில் அணியை வேறு முன்னின்று வழிநடத்த வேண்டும் என்றல் அது சிரமம் தான். விமர்சனங்களை உண்மையாக்கும் வகையில், இவ்விருவரும் மிகவும் சொதப்பலான ஆட்டத்தை வெளிப் படித்தியதோடு, அணியையும் வழிநடத்த முடியாமல் திணறினர். அதனால், இந்த வருட ஐபிஎல் தொடருக்கு டிராவிட், லக்ஸ்மனுக்கு பதிலாக பீட்டர்சனும், கில்லியும் காப்டனாக இருப்பார்கள் என்று அறிவிக்கப் பட்டது.

கொல்கத்தா அணியின் உரிமையாளர் , ஷாரூக், கங்கூலியின் மீது அதிருப்தியில் தான் இருந்தார். ஆனால், அவரை நீக்கினால் ரசிகர்கள் ரகளை செய்வார்கள், கொல்கட்டாவில் போட்டிகளை நடத்தமுடியாது என்பதினால் அமைதியாக இருந்தார். அணியின் பயிற்சியாளர் Buchanan மூலம் 'சுழற்சி முறையில் கேப்டன்' என்ற புதிய முறையை அறிமுகப் படுத்தினர். இது கங்குலியை ஓரம் கட்ட நடக்கும் வேலை என்பது தெரிந்தாலும், ஷாருக் கங்குலியை மற்றும் பேச்சுக்கே இடமில்லை என்று சொன்னார்.கடைசியாக என்ன நடந்ததோ தெரியவில்லை, திடீரென்று கங்குலி கேப்டன் பொறுப்பிலிருந்து முழுமையாக நீக்கப்பட்டுள்ளார்.இந்த முடிவு என்ன பொறுத்தவரை தவறானதே. கங்குலி ஒரு சிறந்த தலைமை பண்புள்ளவர். ட்வென்டி- ட்வென்டி ஆட்ட முறைக்கு ஏற்ப ஈடு கொடுத்து ஆடக்கூடியவர்.(கடந்த ஐபிஎல்'இல் பஞ்சாப் அணிக்கு எதிராக சிறப்பான ஆட்டத்தை வெளிப் படுத்தியது நினைவிருக்கலாம்). அணியில் பல 'தலைகள்' இருக்கும் போது அவர்களை எல்லாம் வழிநடத்தி செல்ல தகுதியுள்ளவர்.அவர் காப்டனாக இல்லாதது அணிக்கு பின்னடைவே! இந்த முறையும் அணி தோற்றால், அடுத்து ஷாரூக் பயிற்சியாளரை தூக்குவார என்று தெரியவில்லை. இப்படியே போனால் கடைசியில் அவர் மட்டும் தான் மிஞ்சுவார்.

இந்த முடிவு சரியானதா, தவறானதா என்று இன்னும் சில தினங்களில் தெரிந்து விடும்.

தேர்தலில் போட்டியிடும் ‘டிராஃபிக்’ ராமசாமி!

2009-04-15T19:06:00.004-06:00

வெள்ளைச் சட்டை - காக்கி பேன்ட்; அகலக் கறுப்புக் கண்ணாடி; சட்டைப் பாக்கெட்டுகளில் கத்தைகத்தையாகப் பேப்பர்கள்; ஆறேழு பேனாக்கள்; கையில் ஒரு விசில்; பேன்ட் பாக்கெட்டுக்குள் ஒரு கேமரா; எந் நேரமும் பாதுகாப்புக்கு ஏ.கே-47 இயந்திரத் துப்பாக்கியுடன் ஒரு காவலர் என வீதிகளில் கூட்டத்தில் ஒருவராக உலவுகிற இவர்... ‘டிராஃபிக்’ ராமசாமி!

வார்டு கவுன்சிலர் முதல் முதல்வர் வரை யார் தவறு செய்தாலும் அவர்கள் மீது பொதுநல வழக்குகளை ஏவி வருபவர், கே.ஆர். ராமசாமி என்ற டிராஃபிக் ராமசாமி. தள்ளாத வயதிலும் தளராமல்போராடும் இவர் மீதும் வழக்குப் போட்டு சிறையில் அடைத்தார்கள். அப்படியும் ஜாமீனில் வெளியே வந்ததும் புதுத் தெம்புடன் கேஸ் கட்டுகளைத் தூக்கிக் கொண்டு நீதிமன்றப் படிகளை ஏறத் தொடங்கி விடுவார். தற்போது கூட வக்கீல்களின் உண்ணாவிரதத்தை எதிர்த்து வழக்கு போட சென்றவரை , ஒரு ரவ்டி வக்கீல்கள் கும்பல் அடித்து நொறுக்கியது.

இருந்தாலும் விடாமுயற்சியாக தன் பணியை செவ்வனே செய்துகொண்டு வரும் இவர், இப்பொழுது "தேசிய ஜனநாயக கட்சி' என்ற கட்சியை ஆரம்பித்து வட சென்னை, மதிய சென்னை மற்றும் தென் சென்னை ஆகிய தொகுதிகளில் போட்டியிடுகிறார். மத்திய சென்னை யில் - வசீகரன், வட சென்னை யில் - சந்தோஷ்குமார் மற்றும் தென் சென்னையில் ராமசாமி ஆகியோர் போட்டி இடுகின்றனர்.

ஜு.வீ க்காக அவர் அளித்த பேட்டியிலிருந்து:

'மக்கள் பிரச்னைகளுக்காக நான் போரா டுறது புதுசு இல்லை. டிராஃபிக்லருந்து முதலமைச்சரின் பாதுகாப்பு பிரச்னைகள் வரை எத்தனையோ விவகாரங்களை கையிலெடுத்துப் போராடி இருக்கேன். சட்டரீதியா தண்டனைகளையும் வாங்கிக் கொடுத்திருக்கேன். ஆனாலும், சென்னையில நாளுக்கு நாள் பிரச்னைகள் பெருகிட்டு இருக்கே தவிர... யாரும் தவறு செய்ய அச்சப் படுறதே இல்லை. மக்கள் பிரதிநிதிகளா தேர்ந்தெடுக்கப்படுறவங்களும் 'சம்பாரிச்சா போதும்... சொத்து சேர்த்தால் போதும்'னு நினைச்சு மக்களை மறந்துடுறாங்க. இதையெல்லாம் இனியும் வேடிக்கை பார்க்கத் தயா ரில்லை. அதனாலதான் இப்படி இறங்கிட்டோம். நாங்க சொல்ற கருத்துகளை ஆமோதிச்சு ஏத்துகிற மக்கள் கூல்டிரிங்க்ஸ், டீ, பிஸ்கட் வாங்கிக் கொடுக்கிறாங்க. கஷ்டங்கள்ல அல்லாடுற மக்களோட ஓட்டு கண்டிப்பா எங்களுக்குக் கிடைக்கும்கிற நம்பிக்கை இருக்கு. அதனால வெற்றிக் கனவுல மிதக்கிற பெரிய கட்சிகள் திண்டாடுற நிலை எங்களாலேயே உருவாகும்.

உண்மையான ஹீரோவான இவர் வெற்றி பெறுகிறாரோ இல்லையோ, எதிர் காலத்தில் பல நல்லவர்கள் அரசியலுக்கு வர இது வழி வகுக்கும்.

நன்றி : ஜூ வி

தென்சென்னை சுயேச்சை வேட்பாளர்

2009-04-13T22:40:00.004-06:00

தென்சென்னையில் 'முன்னேற்ற' கழகங்களுக்கு போட்டியாக ஒரு சுயேச்சை வேட்பாளர் களம் இறங்கி உள்ளார். பிட்ஸ் பிலானியில் பொறியியல் படித்தவர், நிர்வாக இயல் படிப்புக்கு பெயர் பெற்ற அகமதாபாத் ஐ.ஐ.எம்-மில் (இந்தியன் இன்ஸ்டிட்யூட் ஆஃப் மேனேஜ்மென்ட்) எம்.பி.ஏ. பட்டம் பெற்றவர். மாதம் இலட்சக் கணக்கில் சம்பளம் தரும் வேலைகளை உதறி தள்ளிவிட்டு சொந்தமாக இட்லி கடை நடத்துபவர், வருஷத்துக்கு ஏழு கோடி ரூபாய் புழங்கும் இந்த பிசினஸ் மூலமா சுமார் 250 பேருக்கு வேலையும் கொடுத்தவர், 'யூத் ஐகான்' விருது பெற்றவர்......

அவர் 'சரத்பாபு' என்ற 29 வயது இளைஞர். சென்னை, மடிப்பாக்கத்தில் பிறந்து, குடிசையில் வளர்ந்து பல இன்னல்களுக்கு நடுவில் கல்வி பயின்று, இன்று சொந்த காலில் நிற்கும் இந்த இளைஞர், தன் மக்களுக்காக சேவை செய்ய தேர்தல் களத்தில் குதித்துள்ளார். அரசியல் எல்லாம் ரவுடிங்க பண்ற வேலை, இந்தியாவ திருத்த முடியாதுன்னு சொல்லிக்கிட்டு அமெரிக்க வில போயி, ஒபாமா புகழ் பாடற கும்பல் ஒரு பக்கம். எப்படியாவது இந்தியா மாறதா? யாராவது ஒரு நல்லவன் வந்து எல்லாத்தையும் மாத்திட மட்டான? ன்னு புலம்பிகிட்டு, வலைப்பதிவிலையும், ஒர்கிட்லயும், அயோக்யத்தனம் பண்ற அரசியல் வாதிகளை திட்டிகிட்டு பொழுதைக் கழிக்கிற கும்பல் ஒரு பக்கம். இதுக்கு நடுவில படிச்ச சிலர்தான், இந்த மாதிரி துணிஞ்சு முயற்சியாவது எடுக்கறாங்க. அரசியல் பலம், பண பலம் ன்னு எதுவுமே இல்லாம, மக்களை மட்டுமே நம்பி வர இவங்கள , மக்கள் கூட சில சமயம் கைவிட்டர்ரங்க!(லோக் பரிதன் ன்னு கட்சி ஆரம்பிச்ச ஐ ஐ டி மாணவர்கள் , போன தேர்தலுக்கு அபாரம் என்ன பன்றங்கன்னே தெரியல).

இந்த தடவை அதுமாதிரி நடக்காம , நல்ல வேட்பாளர்களை ஜெயிக்க வைக்க வேண்டியது நம்ம கடமை. அறிவையும் உழைப்பையும் கேடயமாகக்கொண்டு தென்சென்னை தொகுதியில் சுயேச்சையாக போட்டியிடும் இவரை மக்களிடம் கொண்டு செல்ல நாம் உதவ வேண்டும். இவர் போட்டியிடும் தென்சென்னையில் தொண்ணுறு சதவிகிதம் படித்தவர்கள் என்கிறது ஒரு புள்ளி விபரம். இதில் பாதி பேர் ஓட்டுப் போட்ட கூட போதும். சரத் ஜெயிக்கலாம். மாற்றம் வருமா என்று பார்க்கலாம்!

அயன் - விகடன் விமர்சனம்

2009-04-10T21:57:00.001-06:00

திருட்டு விசிடி, தங்க பிஸ்கட், வைரம் என்று சர்வதேச அளவிலான கடத்தல் நிபுணராகி வாழ்க்கையைச் சாகசமாகக் கடத்துபவனே அயன்!

கம்ப்யூட்டர் சயின்ஸ் படித்திருந்தாலும், கடத்தல் சாகசங்கள் மீதுதான் சூர்யாவுக்கு அதீத ஆர்வம். ஆப்பிரிக்காவின் காங்கோ வரை வேர் பரப்பிக் கிளை விரித்து வைரங்களைக் கடத்தும் பிரபுவிடம், விசுவாச ஊழியராக இருக்கிறார். பிரபுவுக்கு எதிரியான வில்லன் அவருடைய கடத்தல் கம்பெனியைக் காலி செய்ய அடுத்தடுத்து சதித் திட்டங்கள் தீட்டுகிறார். அதிலிருந்து பிரபுவும் சூர்யாவும் தப்பிக்கிறார்களா என்பது கிளைமாக்ஸ். கடத்தல், பிளாக் மார்க்கெட் உலகின் வெளிச்சம் படாத பக்கங்களைப் பிடித்து பரபர, விறுவிறு ஆக்ஷன் கதை சொல்லியிருக்கிறார் இயக்குநர் கே.வி.ஆனந்த்.

குறும்புக் காதலன், சின்ஸியர் ஸ்மக்ளர், தோள் கொடுக்கும் தோழன் என அத்தனை அம்சங்களிலும் 'பார்யா' என்று அசரவைக்கிறார் சூர்யா. பீட்டர் இங்கிலீஷ் பீலா, கஸ்டம்ஸ் அதிகாரிகள் கிழித்த ஷூவைக் கேட்டு அடம்பண்ணுவது, ஆக்ஷன் காட்சிகளில் பொளேரெனப் பொளப்பது என ஸ்க்ரீனில் தட்டுப்படும்போதெல்லாம் தடாலடிதான். காட்ஃபாதர் வேடத்தில் பிரபு அத்தனை கச்சிதம். ஆவேசமான சூர்யாவை அடக்குவதும், போலீஸ் ஸ்டேஷனில் அவரே வெடித்துத் துடிப்பதுமாக, தான் நடிப்பிலும் சீனியர் என்பதை நிரூபிக்கிறார். கட்டடங்கள், ஜன்னல்கள், கூரைகள், நெருக்கடியான வீதிகளில் ஆள் மாற்றி ஆள் மாற்றி வைரம் கைமாறிக்கொண்டே இருக்க, ஒவ்வொருவரையும் விடாமல் சூர்யா தொட்டுத் துரத்திப் பிடிக்கும் காங்கோ ரேஸிங் சண்டைக் காட்சி நம்மையே மூச்சு வாங்க வைக்கிறது. 'கடவுள் பாதி, மிருகம் பாதி' ஜெகன், 'நண்பன் பாதி, துரோகி பாதி'யாகத் தூள் கிளப்பியிருக்கிறார். அழகிய பார்பி பொம்மை ஷோ கேஸில் 'சும்மாச்சுக்கும்' இடம் பிடித்திருப்பது போல, தமன்னா படத்தில் ஹீரோயினாக இடம் பிடித்திருக்கிறார். அடுத்தடுத்த படங்களிலாவது அம்மணி நடிக்கலாம்.

விழி மூடி யோசித்தால்' பாடலில் விழி மூடி ரசிக்க வைக்கும் ஹாரிஸ் ஜெயராஜ், 'நெஞ்சே நெஞ்சே... நீ எங்கே?' என்று உள்ளுக்குள் கிடார் மீட்டுகிறார். ஆனால், காட்சிகளுக்குச் சம்பந்தமில்லாத அவரது பின்னணி இசை படுத்தியெடுக்கிறது.

தமிழ் சினிமாவில் ஆச்சர்யமாகப் பலப் பல நாடுகளுக்குக் கதை பயணித்தாலும் அது திணிப்பாகத் தெரியாமல் கதைப் போக்கோடு இணைந்து பயணிக்கிறது. எம்.எஸ்.பிரபுவின் கேமரா காங்கோ, சென்னை, மலேசியா என்று ஏரியாக்களின் அழகை ஒரிஜினாலிட்டி கெடாமல் சுட்டு வந்திருக்கிறது. சேஸிங் காட்சிகள், வைரங்களை எடுக்க வயிற்றைக் கிழிப்பது என ஆங்காங்கே உலக சினிமா தட்டுப்பட்டாலும், உள்ளூர் கலருடன் ஒரு கடத்தல் சேஸிங் கதையை டெக்னிக்கலாக விவரித்திருப்பது படத்தின் சுவாரஸ்ய பிளஸ்.

ஆனால், ஒரு அழுக்கு குடோன், மூன்று இளைஞர்கள், ஒற்றை கார் வைத்துக்கொண்டு பிரபு கோடிகளில் டீலிங் செய்வது கொஞ்சம் பலமாகவே உதைக்கிறது. சூர்யா வுக்கும் தன் தங்கை தமன்னாவுக்கும் இடையேயான சந்தோஷ சல்லாபங்களுக்கு ஜெகன் மெனக்கெடுவது, சூர்யா ஜெகனின் வீட்டை, 'பலான வீடோ?' என்று சந்தேகப்படும்போது, 'அவன் உன்னை 'அயிட்டம்'னு நினைச்சுட்டான்டி!' என்று ஜெகன் சிரித்து ரசிப்பது எல்லாம் ரொம்பவே ஓவர் சாரே!

இரண்டாம் பகுதி முழுக்க அம்மா அன்பு, ஜெகன் கொலை, வில்லனின் துரத்தல், வில்லனின் மரணம் என பாதி ரீல் ரீ-வைண்டிங்லேயே ஓடுகிறதே! இத்தனை ஆக்ஷன் கதைக்குத் தேவையான டெம்போவை ஒரு பவர்ஃபுல் வில்லன்தான் முழுமையாக்க முடியும். ஆனால், வில்லனாக வரும் ஆகாஷ் தீப் தனது தொழில் எதிரிகளான பிரபு - சூர்யாவுக்கு டார்ச்சர் கொடுப்பதைக் காட்டிலும் நம்மையே அதிகம் கொல்கிறார். என்னதான் சூர்யா மாஸ்டர் மைண்டாக இருந்தாலும் கஸ்டம்ஸ் அதிகாரியான பொன்வண்ணன் அவருக்காகக் கை கட்டி காத்திருந்து அவரது உத்தரவுகளுக்கு 'ஆகட்டும் எஜமான்!' என்று செயல்படுவதும் டூ மச். (சுங்கத் துறை அதிகாரிகள் சங்கம் வைத்திருந்தால் சங்கடம்தான்!) உலகின் சகல மூலைக்கும் சவாரி அடிக்கிற ஒருவன் தம்மாத்தூண்டு வீட்டில் வசிப்பதும், அவன் அம்மா பெட்டிக் கடை வைத்துப் பிழைப்பதும்... போங்க, ரொம்பத்தான் குறும்பு!

காட்சிகளை லாஜிக் மீறாமலும் புத்திசாலித் தனமாகவும் அமைக்க மெனக்கெட்டு இருப்பதற்குப் பாராட்டுக்கள். ஆனால், அதுவே ஒரு கட்டத்தில் ஓவர்டோஸ் அலர்ஜி ஏற்படுத்துவதுதான் அயனின் பின்பாதி 'பயன்'!

நன்றி : ஆ.வி

பட்டனை கழற்று!

2009-04-09T21:33:00.002-06:00

கடந்த வாரம் 'லக்மே ஃபேஷன் வீக்' நிகழ்ச்சி மும்பையில் நடந்தது. இதில் பாலிவுட் நடிகர் அக்ஷய்குமார் கலந்துகொண்டு பிரபல ஜீன்ஸ் ரெடிமேட் நிறுவன விளம்பரத்துக்காக 'கேட் வாக்' நடை போட்டார். பிறகு அப்படியே, கீழே இறங்கிமுன் வரிசையில் அமர்ந்திருந்த தன் மனைவி 'டிவிங்கிள் கன்னா'வின் முன்பாக நின்றவர், ஜீன்ஸ் கம்பெனியின் லேட்டஸ்ட் தாரக மந்திரமான 'ஜீன்ஸின் பட்டனைக் கழட்டு' என்று சைகை செய்தார். இதற்கு வெட்கப்பட்டு டிவிங்கிள் மறுக்க (அதுவும் டிராமா?)... மீண்டும் மீண்டும் வற்புறுத்தினார் அக்ஷய். வேறு வழியின்றி டிவிங்கிள் பட்டனை கழற்றிய பிறகே, திரும்பி மேடை ஏறினார் அக்ஷய். ஏராளமான பார்வையாளர்கள் மத்தியில் நடந்த இந்த சம்பவம் இந்திய கலாசாரத்துக்கு எதிரானது என பிரச்னை கிளப்பத் திட்டமிட்டது சிவசேனா. ஆனால், 'பட்டனைக் கழற்றியது அவருடைய மனைவிதானே' என அக்ஷய் தரப்பிலிருந்து பதில் தந்து இதை 'குடும்ப' விவகாரமாக்கிவிட... இது தேர்தல் சமயத்தில் எடுபடாது என விவகாரத்தை கழற்றிவிட்டதாம் சிவசேனா. இதற்கிடையில், இந்த அநாகரிக செயல் வெளிப்படையாக நடந்ததால், அதன்மீது நடவடிக்கை எடுக்கக்கோரி போலீஸ் நிலையத்தில் சிலர் புகார் கொடுத்திருக்கிறார்கள். இதையடுத்து அக்ஷய் மீது வழக்குப் பதிவாகி உள்ளது.

எப்படியோ! 'நல்லா' விளம்பர படுத்திட்டாங்க

நன்றி : ஜூவி

மின்னணு வாக்குப்பதிவு இயந்திரம்

2009-04-07T22:32:00.006-06:00

மின்னணு வாக்குப்பதிவு இயந்திரம் (Electronic voting machine) என்பது வாக்கைப் பதிவு செய்யும் வசதியளித்து, அப்பதிவைச் சேமித்து, பின்னர் வாக்குப்பதிவின் இறுதியில் ஒவ்வொரு வேட்பாளரும் பெற்ற வாக்குகளின் எண்ணிக்கையை வெளிக்காட்டும் இயந்திரமாகும்.

உலகின் மிகப்பெரிய ஜனநாயக நாடுகளில் ஒன்றான இந்தியாவில் ஓட்டுச் சீட்டு அடிப்படையிலேயே, தேர்தல் நடைமுறைகள் துவங்கின. காலத்தின் மாற்றத்திற்கு ஏற்ப கடந்த சில தேர்தல்களில் மின்னணு ஓட்டுப்பதிவு இயந்திரங்கள் பயன்படுத்தப் பட்டு வருகின்றன. இந்தியாவில் மின்னணு ஓட்டுப்பதிவு இயந்திரங்கள் கொண்டு வந்ததன் அவசியம் மற்றும் வரலாற்றை தெரிந்து கொள்வோம். பல கோடி மக்கள் பங்கேற்ற இந்திய தேர்தலில் ஓட்டுச் சீட்டுகளால் ஏற்பட்ட கால விரயம், பண விரயம் ஆகியவற்றைத் தடுக்கவும், நவீன தொழில் நுட்பங்களைப் பயன்படுத்தி தேர்தல் சீர்திருத்தங்களை மேற்கொள்ளும் நடவடிக்கையாகவும் மின்னணு ஓட்டுப்பதிவு இயந்திரத்தை பயன்படுத்த தேர்தல் ஆணையம் திட்டமிட்டது. இதை அறிமுகப்படுத்தும் முன் சம்பத், இந்திரேசன், ராவ் கசர் பாதா ஆகியோரைக் கொண்ட தொழில்நுட்ப குழுவின் கருத்து கேட்கப்பட்டது. அக்குழு ஒருமனதாக பரிந்துரை செய்த பிறகே, மின்னணு ஓட்டுப்பதிவு இயந்திரத்தை பயன்படுத்த தேர்தல் ஆணையம் முடிவு செய்தது. அங்கீகரிக்கப்பட்ட அரசியல் கட்சிகளுடனும் ஆலோசிக்கப்பட்டது. கேரளாவில் 1982ம் ஆண்டு நடந்த பரூர் இடைத்தேர்தலின் போது, சோதனை முயற்சியாக 50 ஓட்டுச் சாவடிகளில் மின் னணு ஓட்டுப்பதிவு இயந்திரம் பயன்படுத்தப்பட்டது. 2004ம் ஆண்டு பொதுத் தேர்தலில் நாடு முழுவதும் 10 லட்சத்து 75 ஆயிரம் மின்னணு ஓட்டுப்பதிவு இயந்திரங்கள் பயன்படுத்தப்பட்டன. மத்திய அரசு நிறுவனங்களான பாரத் மின்னணு நிறுவனம், இந்திய மின்னணு கழகம் ஆகியவை இந்த மின்னணு ஓட்டுப்பதிவு இயந் திரங்களை தயாரித்து தேர்தல் ஆணையத்துக்கு வழங்குகின்றன. 1996ம் ஆண்டு பொதுத் தேர்தலுக்கு 8,800 டன்னும், 1999ம் ஆண்டு பொதுத் தேர்தலுக்கு 7,700 டன்னும் காகிதம் பயன்படுத் தப்பட்டது. மின்னணு ஓட்டுப்பதிவு இயந்திரத்தால், ஒரு ஓட்டுச் சாவடிக்கு ஒரு ஓட்டுச்சீட்டு மட்டுமே தேவைப்படுவதால், காகிதம் மற்றும் அச்சிடும் செலவு வெகுவாகக் குறைந்தது.

இந்த இயந்திரம், கட்டுப் பாட்டு யூனிட், ஓட்டுப்பதிவு யூனிட் என இரு யூனிட்களை கொண்டது. கட்டுப்பாட்டு யூனிட் தேர்தல் அதிகாரி இருக்கும் இடத்திலும், ஓட்டுப்பதிவு யூனிட் வாக்காளர் ஓட்டளிக்கும் இடத்திலும் இருக்கும். இந்த இரு யூனிட்களும் ஐந்து மீட்டர் நீளமுள்ள கேபிள் மூலம் இணைக்கப்பட்டிருக் கும். ஒரு வாக்காளர் வேட்பாளருக்கான பொத்தானை அழுத்தியதும், அந்த வேட்பாளருக் கான ஓட்டுப்பதிவாகி விடும். அதன்பின் கட்டுப்பாட்டு பிரிவிலுள்ள ஓட்டு பொத் தானை ஓட்டுச்சாவடி தலைமை அலுவலர் மீண்டும் அழுத்தினால் தான், இயந்திரம் அடுத்த ஓட்டை பதிவு செய் யும். இயந்திரத்தின் சாவி பதிவு செய்யப்படும்போது, தேதியும், நேரமும் பதிவாகி விடும். ஓட்டுப்பதிவு முடிந்ததும், மூடுவதற்கான பொத்தானை அழுத்திவிட்டால் இயந்திரம் எந்த புள்ளிவிவரத்தையும் ஏற்காது. மொத்தம் என்ற பொத்தானை அழுத்தினால், அதுவரை பதிவான ஓட்டுகளின் எண்ணிக்கையை காட்டும். இதை 17-ஏ படிவத்தில் உள்ள வாக்காளர் பதிவு புத்தகத்துடன் ஒப்பிட்டு பார்த்துக் கொள்ளலாம். ஓட்டுப்பதிவின் போது இயந்திரத்தில் கோளாறு ஏற்பட்டால், அதற்கு பதில் புதிய இயந்திரத்தை அப்பகுதிக்கான அதிகாரி பொருத்துவார். பழுதான இயந்திரத்தில் பதிவான ஓட்டுக்கள் அதன் 'மெமரி'யில் அப்படியே இருக்கும் என்பதால், முதலில் இருந்து ஓட்டுப்பதிவை நடத்த வேண்டியதில்லை. இந்த இயந்திரம் ஒரு நிமிடத்திற்கு ஐந்து ஓட்டுகளுக்கு மேல் பதிவு செய்யாது. யாராவது ஓட்டுச் சாவடியை கைப் பற்ற முயன்றால், தலைமை அலுவலர் 'முடிவு' பொத் தானை அழுத்தி ஓட்டுப்பதிவை நிறுத்திவிட முடியும். பார்லிமென்ட், சட்டசபை இரண்டிற்கும் ஒரே நேரத்தில் தேர்தல் நடந்தால், இரண்டிற் கும் தனித்தனி இயந்திரம் பயன்படுத்தப்படும். 'முடிவு' பகுதி முத்திரையிடப்படா விட்டால், ஒரு குறிப்பிட்ட ஓட்டுச் சாவடியின் முடிவுகளை குறிப்பிட்ட நாளில் ஓட்டு எண்ணும் மையத்திற்கு எடுத்துச் செல்லும் முன்னரே தெரிந்து கொள்ள இயலும். இதனால், முத்திரை இடப் பட்ட பட்டையிலோ, காகித் திலோ தேர்தல் அதிகாரி மைய தலைவரின் முத்திரைகளுடன், வேட்பாளர் அல்லது அவரது பிரதிநிதி கையொப்பம் இடுமாறு கேட்டுக் கொள்ளப்படுவார். ஓட்டு எண்ணும் மையத்தில், 'முடிவு' பொத்தானை அழுத்தியதும், அதன் திரையில்அந்த சாவடியில் பதிவான மொத்த ஓட்டுகள், ஒவ்வொரு வேட்பாளருக்கும் கிடைத்துள்ள ஓட்டுகள் வரிசையாக தோன்றும். ஓட்டு எண்ணும் மைய அலுவலர்களை தவிர, வேட் பாளர்களின் பிரதிநிதிகளும் இதை குறித்துக் கொள்வர். ஒவ்வொரு சுற்றின் முடிவிலும், அந்தச் சுற்றின் முடிவுகளும், மொத்த கூட்டுத் தொகையும் அறிவிக்கப்படும். சுற்று அடிப்படையிலான முடிவுகளை மொத்தமாக கூட்டி, இறுதி முடிவு அறிவிக்கப்படும்.

விளக்க படங்கள்:

நன்றி : http://ta.wikipedia.org/விக்கி, www.eci.gov.in/

இந்தியா ஏழை நாடா?

2009-04-05T09:41:00.003-06:00

சுவிச்லேர்லாந்து சாக்லேட்டுக்கும், Cheese க்கு மட்டும் அல்ல, ரகசிய வங்கி கணக்குகளுக்கும் பெயர்போனதே. உலகத்தில் உள்ள அணைத்து திருடர்களின் கருப்பு பணங்கள் பத்திரமாக வைக்கப் பட்டிருப்பது அனைவருக்கும் தெரிந்ததே. உலகில் நிலவும் பொருளாதார மந்த நிலையினால் பதிக்கப்பட்ட அமெரிக்க புது முடிவை எடுத்துள்ளது. அதன் படி சுவிஸ் வங்கிகளில் ரகசியமாக பணம் வைத்திருப்பவர்கள், தாமாகவே முன்வந்து ஒப்புக் கொண்டு சரியான வரி செலுத்தினால், அவர்களுக்கு மன்னிப்பு வழங்கப்படும். அதோடு இல்லாமல் சுவிஸ், ஜெர்மனி போன்ற நாடுகளில் அமெரிக்கர்கள் வைத்திருக்கும் ரகசிய வங்கி கணக்குகளை தருமாறு அமெரிக்க அரசு கேட்டுக் கொண்டுள்ளது. ஏற்கனவே ஒரு சுவிஸ் வங்கி அமெரிக்காவின் மிரட்டலுக்கு பயந்து, வங்கிக் கணக்குகளை தருவதாகவும், இத்தனை நாள் மறைத்து வைத்ததற்காக அபராதமும் கட்டியுள்ளது. இதனை தொடர்ந்து பல நாடுகளும் தங்கள் குடிமக்களின் வங்கி கணக்குகளை கேட்க முன்வந்துள்ளது.

இந்த நேரத்தில் தான் இந்தியாவிலும் இந்த பிரச்சனைப் பற்றி பேசப்பட்டது. நிதிஷ் குமார்தான் இதை முதலில் ஆரம்பித்தார். பல்லாயிரக் கோடிகள் இந்தியர்களில் பணம் சுவிஸ் வங்கிகளில் இருப்பதாகவும் , அதனை மீட்க வேண்டும் என்றும் சொன்னார். அதை தொடர்ந்து பிரதமர் வேட்பாளர் அத்வானியும் இதை பற்றி பேசினார். G-20 மாநாட்டுக்கு செல்லும் பிரதமர் மன்மோகன் சிங்க், இதை பற்றி பேச வேண்டும் என்றும், இந்தியர்களின் கணக்கு வழக்கு களைப் பெற்று, அணைத்து பணத்தையும் இந்தியாவிற்கு கொண்டு வர வேண்டும் என்றும் கூறினர். மேலும், தேசிய ஜனநாயக முற்போக்கு கூட்டணி ஆட்சிக்கு வந்தால், நடவடிக்கை எடுக்கப்பட்டு, கருப்பு பணம் மீட்கப் படும் என்று கூறினர். இதற்காக பி ஜெ பி, குருமூர்த்தி, IIM ப்ரோபாசர் வைத்தியநாதன், வக்கீல் மகேஷ் ஜெத்மலானி மற்றும் முன்னால் உளவுத்துறை தலைவர் அஜித் டொவல் ஆகியோர் அடங்கிய நால்வர் குழுவை அமைத்து இது பற்றி ஆராய்ந்து வருகிறது.

சரி...அப்படி எவ்ளோதான் பணம் இருக்கிறது என்று தேடினால்..... Swiss Banking Association ரிபோர்டின் படி சுமார் 1,456 பில்லியன் அமெரிக்க டாலர்கள் இருக்கிறது. இது இந்தியாவின் மொத கடன் தொகையை விட 13 மடங்கு அதிகம். இதை வைத்து இந்தியாவின் கடனை அடைத்துவிட்டு, மீதமுள்ள தொகையை ஒரு லட்சமாக பங்கிட்டால் சுமார் 45 கோடி பேருக்கு கொடுக்கலாம் என்கிறது ஒரு புள்ளி விபரம். மற்ற நாடுகளின் பண இருப்பை பார்க்கும் போது, இந்திய எங்கேயோ இருக்கிறது...

INDIA $1,456 BILLION

RUSSIA $470 BILLION

U.K. $390 BILLION

UKRAINE $100 BILLION

CHINA $96 BILLION

ஒவ்வொரு வருடமும் இந்தியாவிலிருந்து சுமார் 6௦,௦௦௦ பேர் சுவிசெர்லாந்து செல்வதாகவும் அதில் 20,௦௦௦ பேர் அடிக்கடி செல்வதாகவும் கூறப்படுகிறது. குறைந்தப் பட்சம் பத்து மில்லியன் டாலர்கள் இருப்பு வைக்க வேண்டி உள்ள, சுவிஸ் வங்கிகளில் அனைத்து நாட்டு மக்களை விட இந்தியர்கள் தான் அதிக பணம் வைத்துள்ளனர்.

இந்த பணத்தை எல்லாம் கொண்டு வர எந்த அரசியல் வாதியும் முழுமையான நடவடிக்கை எடுக்க மாட்டார்கள். ஏனென்றால், இந்த பணத்தை வைத்திருப்பர்வர்களே பெரும்பாலும் அவர்கள் தான். ஒரு வேளை, அப்படி யாராவது ஒரு நல்ல அரசியல்வாதி வந்து, பணத்தை எல்லாம் மீட்பாரேயனால், அப்போது தான் உண்மையாகவே "இந்திய ஒளிரும்"

விஜய டி.ராஜேந்தரின் முழு நீள நகைச்சுவை

2009-03-31T21:58:00.002-06:00

விஜய டி.ராஜேந்தரின் முழு நீள நகைச்சுவை நிகழ்ச்சி - உங்கள் 'குரல்' டீவியில்.

மறக்க முடியுமா : நாகேஷ்

2009-03-30T13:53:00.004-06:00

நாகேஸ்வரன் என்ற இயற்பெயரைக் கொண்ட நாகேஷ் கன்னடப் பிராமணக் குடும்பத்தில்பிறந்தவர்.தமிழ்நாடு,தாராபுரம் பகுதியில் கன்னட மாத்வர்கள் வாழும் கொழிஞ்சிவாடி என்ற ஊரில்பிறந்தார். தந்தை பெயர் கிருஷ்ணாராவ், தாயார் ருக்மணி அம்மாள். தந்தை கர்நாடகாவில்அரிசிக்கரே என்ற ஊரில் தொடருந்து நிலைய அதிபராகத் தொழில் பார்த்தவர். நாகேசின் முழுப்பெயர்நாகேசுவரன். நாகேஷ் வீட்டில் குண்டப்பா என்றும் நண்பர்களால் குண்டுராவ் என்றும்அழைக்கப்பட்டார்.தாராபுரத்தில் தனது எஸ்.எஸ்.எல்.சி. படிப்பை முடித்துக் கொண்டு கோவைபிஎஸ்ஜி கலைக்கல்லூரியில் சேர்ந்து படித்தார். கல்லூரியில் இரண்டாம் ஆண்டு படித்துக்கொண்டிருந்தபோது அம்மை நோய் வந்து முகத்தில் தழும்புகள் உண்டாயின.

நாகேஷ் கல்லூரிப் படிப்பு முடிந்ததும், ரெயில்வேயில் பணிபுரிந்தார். சிறுவயதில் இருந்தே நடிப்பின் மீது பற்றுக் கொண்ட நாகேஷ் அமெச்சூர் நாடகங்களில் நடித்து வந்தார். மணியன் எழுதிய 'டாக்டர் நிர்மலா' நாடகத்தில், 'தை தண்டபாணி' என்ற பாத்திரத்தில் "தை, தை" என்று நோயாளியாய்க் மேடையில் குதித்ததால், 'தை நாகேஷ்' என்றும் பின்னர் ஆங்கிலத்தில் Thai என்பதை 'தாய்' என்று மாற்றி படித்ததால் இவர் "தாய் நாகேஷ்" என அழைக்கப்பட்டார். 1959 ஆம் ஆண்டில் திரைப்படத்துறையில் புகுந்தார். தாமரைக்குளம் என்ற திரைப்படத்தில் முதன் முதலாக நடித்தார். அதன்பின்னர் சில படங்களில் சிறு சிறு வேடங்களில் நடித்துக் கொண்டிருந்தார். ஸ்ரீதரின் காதலிக்க நேரமில்லை காதலிக்க நேரமில்லை திரைப்படத்தில் முக்கிய நகைச்சுவைப் பாத்திரத்தில் தோன்றினார். இது மிகவும் வெற்றிப் படமாக அமைந்தது. அவருக்குப் பல படங்களில் ஜோடியாக நடித்தவர் மனோரமா ஆவார். K. பாலசந்தர் கதை, வசனம் எழுதிய சர்வர் சுந்தரம் திரைப்படத்தில் மிகச் சிறப்பாக நடித்து குணச்சித்திர நடிப்பிலும் நாகேஷ் சிறந்து விளங்கினார்.திருவிளையாடல் படத்தில் தருமி என்ற கதாபாத்திரம், தில்லானா மோகனாம்பாள் படத்தில் வைத்தி என்ற பாத்திரம் பலராலும் பாராட்டப்பட்டது. சிவாஜி கணேசன், எம்ஜிஆர் போன்றோருடன் பல படங்களில் நகைச்சுவை கதாபாத்திரத்தில் இவர் நடித்துள்ளார்.நீ‌ர்‌க்கு‌மி‌ழி என்ற படத்தில் நாகேஷை கதாநாயகனாக நடிக்க வைத்தார் இயக்குனர் கே. பாலச்சந்தர். அந்தப்படம் மிகப்பெரிய வெற்றியைப் பெற்றதுடன் சிறந்த நடிப்புத் திறமை கொண்டவர் நாகேஷ் என்பதை ரசிகர்களுக்கு உணர்த்தியது. கமலஹாசன் தயாரித்த அபூர்வ சகோதரர்கள் படத்தில் கொடும் வில்லனாகவும் அவர் தோன்றினார். அதற்குப் பின் பல கமலஹாசன் படங்களில் நாகேஷ் நடித்தார். மைக்கேல் மதன காமராஜன்,மகளிர் மட்டும், அவ்வை சண்முகி,பஞ்சதந்திரம் போன்றவை சில படங்கள். நாகேஷ் நடித்த கடைசிப் படம் நாகேஷ் நடித்த கடைசிப் படம் தசாவதாரம் ஆகும், இதுவும் கமலஹாசன் படமாகும்.

மறைந்த நகைச்சுவை நடிகர் நாகேஷ் அவர்களைப் பற்றிய ஒரு வீடியோ தொகுப்பு.

நன்றி : விக்கிபீடியா, TubeTamil

சீனர்களின் துப்பறியும் மென்பொருள் : கோஷ்நெட்

2009-03-29T20:10:00.004-06:00

வீட்டில் கணினி வைத்திருப்பவர்கள் அனைவரும் ஒருமுறையாவது 'வைரசினால்' பதிக்கப் பட்டிருப்பார்கள். அதிலும் ட்ரோஜன் (Trojan) எனப்படும் மால்வேரினால் (Malware) அவஸ்தையை அனுபவித்திருப்பார்கள். பெரும்பாலும் எதாவது ஒரு இணைய தலத்தில் நுழையும் போதோ அல்லது எதாவது லிங்கை சொடுக்கும் போதோ வைரஸ் எனப்படும் மென்பொருட்களை

தெரியாமல் தரவிறக்கம் செய்து விடுகிறார்கள். Registry யில் உட்கார்ந்து கொண்டு பாடாய் படுத்திவிடும்.சரி, இந்த மாதிரி வைரசை பரப்புவதினால் என்ன லாபம்? சும்மா கடுப்பேத்த இருக்கலாம்.சாதரண Malware கள் வலுக்கட்டயமாக விளம்பரங்களை நம் மீது தினிப்பதொடு நிறுத்திக் கொள்கின்றன. சில ட்ரோஜன் உங்கள் கணினியில் உள்ள தகவல்களை எல்லாம் திருடிக் கொண்டு போகலாம். கிரெடிட் கார்டு எண்கள், வங்கிக் கணக்குகள், சில முக்கிய கடவு சொற்கள் களவு போகலாம்.

ஆனால், இதையெல்லாம் விட சில ஆபத்தான வேலைகளை செய்ய இது பண்யன்படுதப் படுகிறது. முக்கிய நாடுகளில் உள்ள அரசு அலுவலகங்களின் இணைய தளத்திற்கு சென்று கோப்புகளை திருடவும், மாற்றவும் ஒரு 'உளவாளியாக' (Cyber-espionage) இந்த ட்ரோஜன் அனுப்பப்படுகிறது. இதை சிரத்தையாக செய்துக் கொண்டிருப்பது வெறும் யாரும் இல்லை - நமது அண்டை நாடான சீனாதான். சமீபத்தில் இணையதள உளவு பற்றிய ஒரு ஆய்வில் 103 நாடுகளை சேர்ந்த 1295 கணினிகள் உளவுப் பார்க்கப் பட்டிருப்பதாக கண்டுபிடிக்கப் பட்டுள்ளது. இதனால் பதிக்கப் பட்டியலில் முக்கியமாக தலாய் லாமாவின் அலுவலகம், திபெத் அரசாங்க அலுவலகங்கள், அமெரிக்காவில் உள்ள இந்தியன் எம்பசி, நட்டோவின் (NATO) தலைமை அலுவலகம் ஆகியவை அடங்கும்.

சைனாவிலிருந்து அனுப்பப்படும் இந்த வைரசுக்களுக்கு "கோஷ்நெட்" (GhostNet) என்று பெயர் வைத்துள்ளனர்.கோப்புகலை திருடுவதொடில்லாமல் , அந்த கணினியில் இருக்கும் புகைப்படக் கருவியையும், ஒலிக் கருவிகளையும் தானாக இயக்க செய்து அதன் மூலம் உளவு பார்க்கும் வேலையும் நடந்து வருகிறது. இது மாதிரி வேலைகளை எல்லாம் அமெரிக்காவிம் CIA , ரஷ்யவும் தான் செய்து வந்தது. இப்போது இவர்களை எல்லாம் விஞ்சி விடுவது போல சீனா தன் வேலையே ஆரம்பித்துள்ளது. இதை வழக்கம் போல் சீன அரசாங்கம் மறுத்துள்ளது.

இந்த ஆராய்ச்சியை மேற்கொண்ட கனடாவில் உள்ள University of Toronto இதை அறிக்கையாக வெளியிட்டுள்ளது. அவர்கள் கூற்றுப்படி உளவு பார்க்கப்பட்ட கணினிகளில் முப்பது சதவிகிதம் மிக முக்கியமான கோப்புகளை கொண்டிருந்தது.இந்த கணினிகளில் கோஷ் ராட் (gh0st RAT) என்னும் ட்ரோஜனை தரவிறக்கம் செய்து , அந்த கணினிகளை தான் கட்டுப் பட்டுக்குள் கொண்டு வந்து விடுகிறார்கள். அப்பறம் கோப்புகளை திருடுவதில் இருந்து ஆரம்பித்து மற்ற எல்லா வேலைகளையும் செய்து முடிக்கிறார்கள். இதை ஆய்வு செய்த வல்லுனர்கள் மிகவும் சிக்கலான முறையில் இந்த மென்பொருள் வடிவமைக்கப் பட்டுள்ளதாகவும் , கண்டுபிடித்து அழிப்பது கடினமான வேலை எண்டும் தெரிவித்துள்ளனர். இந்த இணைய தல கிருமிகளை தடுக்க சரியான நடவடிக்கை எடுக்க வில்லை என்றல் , பாதுகாப்பிலாத இணையம் கொடிய அரக்கனாக மாறிவிடும்!

முழு அறிக்கையை இங்கே தரவிறக்கம் செய்யவும்.

ஆதாரம்: http://webapp.mcis.utoronto.ca/

சில அரிய புகைப்படங்கள்!

2009-03-28T18:08:00.009-06:00

தான் வேட்டையாடிய சிறுத்தையின் மீது அமர்ந்திருக்கும் ஒரு இந்திய மகராஜாவின் மகள்! (1920இல்)

கல்கத்தா, காபூலை இணைக்கும் கிராண்ட் த்ரந்க்(Grand Trunk) சாலை. Sher Shah Suri ஆல் கட்டப்பட்ட இந்த சாலை வியாபார முக்கியத்துவம் வாய்ந்தது.

வைஷ்ணவர்கள் என்று அழைக்கப்படும் பிரிவினர்

பிரிட்டிஷ் வானூர்தி 'ஹன்னோ' இங்கிலாந்திலிருந்து இந்தியாவிற்கு கடிதங்களை எடுத்து செல்கிறது.

ஆடை அலங்காரத்துடன் நாட்டியமாடும் பெண்கள்

அரிய காட்சி!! ஜனாதிபதியின் அரண்மனை(!) மற்றும் பாராளுமன்டத்தின் Areial View

பம்பாயில் ஒரு 'பார்டியில்' கலந்து கொள்ள வந்திருக்கும் மகளிர் (1910)

ஆங்கிலேயனுக்கு இந்தியர் ஒருவர் மசாஜ் செய்யும் காட்சி

ஜம்மா மசூதி - டெல்லி (built between 1650 and 1658)

பட்டதிலிருந்து மின்சாரம்!

2009-03-25T15:48:00.004-06:00

அனேகமாக நாம் எல்லோரும் ஒருமுறையாவது பட்டம் விட்டு மகிழ்ந்திருப்போம். அல்லது பட்டம் விடுவதை அருகில் இருந்தாவது பார்த்திருப்போம். மேமாத விடுமுறை வந்துவிட்டால் வண்ண வண்ண பட்டங்கள் வானில் பறப்பதை பார்க்கலாம். ஈர் குச்சி என அழைக்கப்படும், மெல்லிய , வளையக்கூடிய கொச்சியை எடுத்துக் கொண்டு அதை வளைத்து, கலர் காகிதங்களால் அலங்கரித்து, அதற்கு வால் ஒன்று இணைத்து...இப்படி அதை தயார் செய்வதே ஒரு பெரிய கலை தான். அப்பறம் நூலில் கட்டி இணைத்து, உயர உயர பறக்க விட்டு, யார் பட்டம் அதிக உயரம் பறக்கிறது என்று போட்டிபோடுவதும் ஒரு சுகம் தான்...ஓகே மேட்டருக்கு வருவோம்...

இந்த பட்டதை வைத்து மின் ஆற்றலை உருவாக்க முடியும் என்று கண்டுப் பிடித்துள்ளனர். காற்றில் உள்ள ஆற்றலை பயன்படுத்தி மின்சாரம் தயாரிப்பது புதிதல்ல. காற்றாலை கொண்டு மின்சாரம் தயாரிக்கப் பட்டு வருகிறது. காற்றின் விசையால் உந்தப்பட்டு பட்டம் மேலே பறக்கும் போது, அதன் மறு முனையில் உருவாகும் ஆற்றலை வைத்து மின்சாரம் தயாரிக்க படுகிறது. நாம் பட்டம் விடும் பொழுது இதை உணர்ந்திருப்போம். நம் பட்டம் மிக உயரமாக பறக்கும் பொது, நம்மை அது இழுத்து செல்லும். பத்து மீட்டர் சுற்றளவுள்ள பட்டதை வைத்துக்கொண்டு பத்து கிலோ வாட் மின்சாரம் தயாரிக்க முடியும் என்றும் அது பத்து வீடுகளின் மின்சாரத் தேவையை பூர்த்தி செய்யும் என்றும் கணக் கிட்டுள்ளனர் நெதர்லாந்தை சேர்ந்த ஆராய்ச்சியாளர்கள். மிக உயரத்தில் பறக்க விட்டு , அதிக பட்சமாக நூறு மெகா வாட் மின்சாரத்தை தயாரிக்க முடியும். இதனால் சுமார் ஒரு லட்சம் வீடுகளின் மின்சார தேவை பூர்த்தி செய்ய படும். இப்படி தயாரிக்கப்படும் மின்சாரத்தின் செலவு மிகக் குறைவு. இதனால் ஆராய்ச்சிகள் மும்முரமாக நடைப் பெற்று வருகிறது. அமெரிக்காவில் சால் கிரிபித் என்பவர் தீவிர ஆராய்ச்சியில் ஈடுபட்டு வருகிறார். இவரது சொந்த நிறுவனமான மகனி பவர் மிகபெரிய் அளவில் மின்சாரத்தை தயாரிக்கும் பணியில் ஈடுபட்டு வருகிறது. கூகிள் கூட சுமார் பத்து மில்லியன் டாலர்களை இந்த நிறுவனத்தில் முதலீடு செய்துள்ளது.

இந்த வீடியோவை பாருங்க: புரியும்.

டிராவிட் நீக்கம்: பீட்டர்சன் புதிய கேப்டன்

2009-03-21T18:10:00.002-06:00

மல்லையாவின் பெங்களுரு ராயல் சாலேன்ஜர் அணிக்கு பதிய கேப்டனாக கெவின் பீட்டர்சன் நியமிக்கப் பட்டுள்ளார். மே மாத தொடக்கத்திலிருந்து கல்லிஸ் காப்டனாக தொடருவார் என்று அறிவிக்கப் பட்டுள்ளது. தனிப்பட்ட காரணங்களுக்காக டிராவிட் விளையாட முடியாததால் தான் அவர் கேப்டன் பொறுப்பில் தொடர முடியவில்லை, அதனால் தான் இந்த மற்றம் என்று சொல்லப் படுகிறது. காரணம் என்னவாகவோ இருந்துவிட்டு போகிறது...ஆனால் டிராவிட் , லக்ஸ்மன் போன்றோர் இந்த ட்வென்டி - ட்வென்டி போட்டிகளுக்க்கெல்லாம் ஒத்துவர மாட்டர்கள். ஏற்கனவே இந்த இருவரும் ஒரு நாள் போட்டிகளில் சேர்க்க படுவதில்லை.

கிரிக்கெட் மிக வேகமாக மாறிக்கொண்டு வருகிறது. அதுவும் இந்த ட்வென்டி-ட்வென்டி வருகைக்கு பின் , வீரர்களில் ஆட்ட முறையில் பல மாற்றாங்கள். ஒரு ஓவருக்கு ஒரு பவுண்டரி இல்ல சிக்ஸ் அடிக்கலான, என்னடா போர் அடிக்குது மேட்ச் சொல்ல தோனுது. இந்த வேகமான ஆட்ட முறைக்கு ஜயசூரியவை தவிர மற்ற சீனியர் வீரர்கள் யாரும் தங்களை மாற்றிக் கொள்ள முடியவில்லை. இந்த சூழ்நிலையில் டிராவிட், லட்ச்மன் போன்றோர் ஒரு நாள்,ட்வென்டி-ட்வென்டி போட்டிகளிலிருந்து ஓய்வு பெற்றுவிட்டு , சற்று ரிலாக்சாக டெஸ்ட் போட்டிகளில் மட்டும் விளையாடலாம். தேவையில்லாமல் இப்படி ஒதுக்கப் படுவதையாவது தவிர்க்க்கலம்.

என்ன செய்யப்போகிறோம் நண்பர்களே!

2009-03-18T08:29:00.003-06:00

செவிவழிச் செய்தி ஒன்று உண்டு. எம்.ஜி.ஆர். முதலமைச்சராக இருந்தபோது, சாதிவாரியான இட ஒதுக்கீடு பற்றி விவாதிக்க, சாதித் தலைவர்களின் கூட்டம் ஒன்றைக் கூட்டினாராம். அனைத்துச் சாதித் தலைவர்களும் தமது சமூக மக்களின் மொத்த எண்ணிக்கையைச் சொல்ல, கூட்டிப் பார்த்தபோது தமிழ்நாட்டு மக்கள்தொகை 20 கோடியாகத் தெரிந்ததாம். அவருக்கே சந்தேகம் வந்திருக்க வேண்டும், தான் தமிழ்நாட்டுக்கு மட்டும் முதலமைச்சரா அல்லது விந்திய மலைக்குத் தெற்கே உள்ள மராட்டியம், ஆந்திரம், கர்நாடகம், கூர்க்கம், தமிழகம், கேரளம் உள்ளடக்கிய பஞ்ச திராவிட நாட்டின் முதலமைச்சரா என.

சாதிவாரியான மக்கள்தொகைக் கணக்கெடுப்பு இந்தியாவில் 1881-ல் நடைபெற்றது. 50 ஆண்டுகளுக்குப் பிறகு மறுபடியும் 1931-ல்! அவை ஆங்கிலேயர் ஆட்சிக் காலத்தில். சுதந்திர இந்தியாவில் அத்தகைய கணக்கெடுப்பு 1981-ல் நடந்திருக்க வேண்டும். ஆனால், அன்றைய மத்திய அமைச்சரவை, அத்தகைய கணக்கெடுப்பு, இந்திய அரசியல் சட்டத்துக்கு எதிரானது எனக் கருதி, அந்த நடைமுறையை ஒழித்துக்கட்டியது.சாதி ஒழிப்பில் தீவிரமாக இருந்த மத்திய - மாநில அரசுகள், சாதிவாரியான மக்கள்தொகைக் கணக்கெடுப்பு மக்கள் மத்தியில் பிரிவினையை வளர்க்கும் என்றும், சமத்துவத்தைக் கெடுக்கும் என்றும் கருதி, அதை ஊக்குவிக்கவில்லை. மனித மனங்களில் இருந்து சாதியை வேரோடும் வேரடி மண்ணோடும் பறித்து எறிந்துவிட வேண்டும் என்று கருதிய தன்னலமற்ற, நேர்மையான, மதம், மொழி, இனப் பாகுபாடுகளைக் கடந்த, பாரத சமுதாயத்தைச் சமைத்தெடுக்கும் முயற்சியில் ஈடுபட்ட தேசத் தலைவர்களின் நிலைப்பாட்டையும் நாம் கேள்வி கேட்பதற்கு இல்லை.

கிராமத்தில் ஒருவனுக்குத் தென்னை மரங்களை முறித்து வண்டியில் ஏற்றி, பக்கத்து ஊரில் இருக்கும் செங்கல் சூளைக்கு எடுத்துச் செல்ல வேண்டும். தென்னை மரத்தில் ஏறி முதலில் கொண்டையைத் தறித்து, பின்பு மேல் மரம், நடு மரம், அடி மரம் எனத் தறித்து, வண்டியில் அடுக்கிப் பாரமேற்றுவதுதான் முறை. எதற்கு அந்தப்பாடு என யோசித்தவன், இரட்டைக் காளைகள் பூட்டிய பாரவண்டியை மரத்தின் தூரை ஒட்டி நிறுத்திவைத்து, மரத்தை மூட்டில் இருந்து வெட்ட ஆரம்பித்தான். மரம் முறிந்து விழுந்து, வண்டி உடைந்து நொறுங்கி, காளைகளும் செத்துப்போயின. நின்று யோசித்தவன் சொன்னான் - 'புத்தி மெத்த புத்தி, மாடு வண்டி சாடு சப்பண்டி' என்று. திரண்ட கருத்தாவது... 'செய்தது சரிதான். ஆனால், வண்டியும் மாடுகளும் பலமும் திறனும் அற்றவை' என்பது.

அதுபோல் ஆகிவிட்டது, நம் நாட்டில் சாதி ஒழிப்பின் கதை. ஒதுக்கீட்டுச் சட்டங்கள், கல்வி, உயர் கல்வி, வேலைவாய்ப்பு, பதவி உயர்வு யாவற்றுக்குமான பிரிவினை, சாதி அடிப்படையில் அமைந்தன. சாதி பற்றிய தகவல்களைக் கோராத அரசுப் படிவங்கள் இல்லை. தாலுக்கா அலுவல கங்கள், மெய்யாகவும் பொய்யாகவும் சாதிச் சான்றிதழ்கள் வழங்குவது என ஆயிற்று. தமது ரொட்டியில் எந்தப் பக்கம் வெண்ணெய் எனக் கண்ட சகல சாதியினரும் தமது சாதியைப் பிற்பட்டதாக, மிகவும் பிற்பட்டதாக, தாழ்த்தப்பட்டதாக, மிகவும் தாழ்த்தப்பட்டதாக அறிவிக்கக் கோரும் கோரிக்கைகள் வலுத்தன. சமூக அடிப்படையில், பொருளாதார அடிப்படையில் ஊசலாடியவர் பங்குகளை நகரத்துத் தந்திரசாலிகள் அபகரித்துக்கொள்ள ஆரம் பித்தனர். வாக்குப் பொறுக்கும் அரசியல் தலைமைகள் சாதி பிரித்து வேட்பாளர்களை நிறுத்தின. சாதித் தலைவர்கள் உருவாகி, அரசியல் தலைமையுடன் தரகு செய்ய ஆரம்பித்தனர். சாதித் தலைவர்கள் அரசி யல் தலைவர்களாக மாறினர்; சாதிச் சங்கங் கள் அரசியல் கட்சிகளாக உருமாறின.இது இந்திய சமுதாயம் மத, இன, சாதிப் பாகுபாடுகள் துறந்து மறுமலர்ச்சி பெற முயன்றதன் சோக வரலாறு.

முன்பு, தியாகராஜ பாகவதர் சினிமாவில் புகழ்பெற்றிருந்த காலத்தில், அவரது சமூகத் தினர் பாகவதர் கிராப் வைக்கவும், 'சொப் பன வாழ்வினில்' என்று பாடித் திரியவும் ஆரம்பித்தனர். மாண்புமிகு ஜெயில்சிங் இந்தியக் குடியரசுத் தலைவர் ஆன போது, தமிழ்நாடு எங்கும் விஸ்வ கர்மா சமூகத்தினர் சுவரொட்டிகள் ஒட்டினர். சமீப காலமாக வேளாளர் மாநாடு எனில் கப்பலோட்டிய தமிழன் படத் தையும், நாடார் மகாஜன சங்க ஊர் வலம் எனில் கர்மவீரர் படத்தையும், முக்குலத்தோர் பேரணி எனில் தேச விடுதலைத் தியாகி பசும்பொன் தேவர் படத்தையும், தலித் எழுச்சி மாநாடு எனில் சட்ட மேதை பாபா சாகேப் அம்பேத்கர் படத்தையும் தாங்கிக் கோஷமிட்டுச் செல்வதைக் காண்கி றோம்.

மேதைகள், தியாகிகள், அரசியல் ஞானிகள், சமூகப் போராளிகள் என்பவர் அவர்தம் சாதித் தலைவர்களாக மட்டும் அடையாளம் காட்டப்படுவது, முன்னிறுத்தப்படுவது, சமகால இந்திய அரசியல் சூழலின் வீழ்ச்சி. மகாத்மா காந்தியைப் பனியா எனக் காண்பதைப் போல! தமிழ் ஈழ விடுதலைக்காகத் தனது உடல் எரித்து உயிர் துறந்த இளைய தோழனின் அஞ்சலிக்காக, கோவை மாநகரில் கறுப்பு மையில், கண்ணீர்த் துளிகளுடன் சுவரொட்டிகள் காணப்பட்டன. சுவரொட்டி வாசகத்தை, அதன் இலக்கணப் பிழைகளுடன் அவ்வாறே தருகிறேன்.

'அன்று தமிழ்மொழி போராட்டத்தில் உயிர் நீத்த தாளமுத்துவே- இன்று தமிழ் இனத்துக்காக உயிர் நீத்த முத்துக்குமரனே - என்றும் எப்போதும் தேசப் பற்றுக்காக முதல் இடத்தில் இருக்கும் நாடார் குல முத்துக்களே!' சுவரொட்டியை வாசிக்கும்போது, எனக்கு எதிர்கால இந்தியாவை எண்ண அச்சமாக இருந்தது. சாதியை ஒழிக்க, கலப்பு மணங்கள் ஊக்கு விக்கப்பட்டன. மத அடையாளங்களைத் துறக்க அறிவுறுத்தப்பட்டோம். நாமம் தரித்த நெற்றியை நக்கி அழித்தவர் உண்டு. நாமம் மறைவிடத்தில் இருந்தால் என்ன செய்வீர் எனக் கேட்டவர் உண்டு. சாலைகளின், பள்ளிகளின், அறநிலைகளின், நினைவாலயங்களின் சாதி ஒட்டுகள் அழிக்கப்பட்டன. ராஜகோபா லாச்சாரியார் ராஜாஜி ஆனார். ம.பொ.சிவ ஞானக் கிராமணியார், ம.பொ.சி ஆனார். வ.உ.சிதம்பரம் பிள்ளை, வ.உ.சி ஆனார். காமராஜ நாடார், காமராஜ் ஆனார்.

பிற மாநில தேசத் தலைவர்கள் கோஷ், தாஸ், முன்ஷி, யாதவ், ஜாதவ், சிங், ரெட்டி, ஷெட்டி, மேனன், நாயர், பாட்டீல் எவரும் எங்கும் சாதி ஒட்டுக்களைத் துறவாததை நாம் பொருட்படுத்தவும் இல்லை.பள்ளிச் சான்றிதழ்களில் சுப்ரமணியப் பிள்ளையாக இருந்த நான் தன்னிச்சையாக சுப்ரமணியம் ஆனேன். 20 ஆண்டுகள் முன்பு, சாதிச் சான்றிதழ் பெற வட்டாட்சியர் அலுவலகங்கள் முற்றுகை இடப்பட்டன. எனது பக்கத்து ஊர்க்காரன், கல்லூரியில் வகுப்புத் தோழன், ஒரே டெஸ்க்கில் இருந்தவன், கோவையில் தாசில்தாராக இருந்தான். என்னிடம் சொன்னான், ''மக்கா, ஒரு நாளைக்கு ஆபீஸூக்கு வா! நான் உன்னை MBC பிள்ளைமாரா ஆக்கிடுறேன்.'' எனக்குத் தெரிந்து, அன்று வெள்ளாளரில் 66 வகையினர் இருந்தனர். இன்று அது குட்டி போட்டுப் பெருகி இருக்கவும் கூடும். அவர்தம்முள் OC, BC, MBC எனப் பிரிவுகள் இருந்தன. பலரும் சில ஆயிரங்களில் இனமாற்றம் பெற்றும் இருந்தனர். எனது நண்பனின் புத்திமதியை, எனது பிள்ளைகளின் நலம் மறுத்து, ஆங்காரமாக நான் புறக்கணித்தேன். நோக்கம் எனது உயர்நிலை மேன்மையைக் காப்பாற்ற அல்ல, அடுத்தவன் உரிமையை அபகரிக்கலாகாது என்பதால். ஆனால், அப்படி அபகரித்தவன் கெட்டிக்காரன்.

எனது மாவட்டத்து வேளாளப் பேரவை, மாநில அமைச் சர்கள் சந்நிதானத்தில் எனக்கு ஒரு பரிசளித்துச் சிறப்புச் செய்ய அழைத்தபோதும், 'என்னால் வரவும் பெறவும் இயலாது' என்று கடிதம் எழுதினேன். இருந்தும்கூட, எனது 'ஊதுபத்தி' கதையை மேற்கோள் காட்டி, நாஞ்சில் நாடன் தனது சாதி வெறியை மீண்டும் நிரூபிக்கிறார் என்று எழுதிய மத, இன, சாதி அடையாளங்கள் துறந்த, மாசுமருவற்ற முற்போக்குத் திறனாய்வாளர் உண்டு. அந்தக் கதை அடங்கிய 'பேய்க்கொட்டு' எனும் எனது தொகுப்பு, மனோன்மணீயம் சுந்தரனார் பல்கலைக்கழகத்தில் பட்டப்படிப்புக்குப் பாடமானபோது, துணைவேந்தருக்கும் கல்வி அமைச்சருக்கும் மனுக் கொடுத்தவர் உண்டு. உண்மை எனது நெஞ்சறியும், எனவே, ஈதொன்றும் எனக்குப் பொருட்டல்ல.

ஆனால், மேடைக்கு ஒன்றும் சுயத்துக்கு ஒன்றுமாக வாழும் இன்றைய அரசியல் கலை, இலக்கிய, பண்பாட்டுத் தலைமைகளின் சாதி வெறி நமக்குக் கவலை அளிக்கிறது. சாதி துறந்து இங்கு அரசியல் நடத்த வாய்ப்பே இல்லை என்பது யாவரும் அறிந்ததுதான். அரசியல் என்பது தொண்டோ, ஊழியமோ, தியாகமோ அல்ல! அது ஒரு தொழில், வியாபாரம். சிறு வழிப்பறி முதல் பெருங்கொள்ளை வரையிலான சமூக நீதி. எனவே, சகலச் சாதிகளும் தத்தம் அழுக்குப் படிந்த நகங்களையும், காரை அடைத்த பற்களை யும் கூராக்கி வைத்துக்கொள்ள முயற்சி செய்கின்றன.

எதிர்காலத்தில் சாதிவாரியான மக்கள்தொகை அடிப்படையில் சட்டமன்றப் பிரதிநிதித்துவங்கள் கோரப்படக்கூடும். அமைச்சர்கள், அதிகமாகத் தேனும் நெய்யும் ஒழுகும் இலா காக்கள் வேண்டப்படும். சாதி விகிதாசார அடிப்படையில் உயர் நீதிமன்ற, மாவட்ட நீதிமன்ற நீதிபதிகள், மாவட்டக் காவல் துறை அதிகாரிகள், ஆட்சியர், காவல் ஆணையர், கண்காணிப்பாளர்கள் எண்ணிக்கை அமைய வேண்டும் என்று வற்புறுத்தப் படலாம்.இல்லாவிட்டால், பயணிகளை வைத்துக்கொண்டே பேருந்துகள் கொளுத்தப்படலாம். அமைச்சுகள், வாரியங்கள் என பங்கு கேட்கலாம். பொதுப் பணித் துறை, வருவாய்த் துறை, போக்குவரத்துத் துறைதான் வேண்டும் என அடம்பிடிக்கலாம். அதற்கும் முன்மாதிரிகள் உண்டு நமது அரசியலில்.

இன்று வெறும் ஒரு லட்சத்துப் பன்னிரண்டாயிரம் மக்கள் தொகை கொண்ட இனம் ஒன்று மத்திய அமைச்சர், மாநில அமைச்சர், நாடாளுமன்ற உறுப்பினர், சட்டமன்ற உறுப்பினர் என அநியாயமாக முக்கியத்துவம் அளிக்கப்பட்ட இனமாக இருக்கிறது எனும் குற்றச்சாட்டு வரலாம். இரண்டு சதவிகிதம் மக்கள்தொகை கொண்ட பிரிவு, நியாயமாகத் தமக்கு ஐந்து சட்டமன்ற உறுப்பினர்கள் கிடைத்திருக்க வேண்டும்; ஆனால், எவர் புண்ணியத்தாலோ ஒருவர் மட்டுமே இருக்கிறோம் எனக் கறட்டு வழக்குப் பிடிக்கலாம். வங்கி மேலாளர்கள், சுங்க வரி, கலால் வரி, வருமான வரி அதிகாரிகளில் விகிதாசாரம் கோரலாம். சினிமா நாயக-நாயகியர், இயக்குநர், ஒளிப்பதிவாளர், இசையமைப்பாளரில் சாதிகள் பங்கு கேட்கலாம். எமது இனத்து மக்கள்தொகை கணக்குப்படி, ஒரு திரைப்படத்தில் எமக்கு மூன்று கற்பழிப்புக் காட்சிகள் வேண்டும் எனலாம்.

ஐந்து சதவிகிதம், பத்து சதவிகித ஜனத்தொகைச் சாதிகள் தமது பங்குகளைச் சுமந்து கைவீசி, தெம்மாங்கு பாடி வழி நடப்பார்கள். ஆனால், இந்த மண்ணில் வெறும் 300 பேர் முதல் 30,000 பேர் வரை மக்கள்தொகை கொண்ட எண்ணற்ற சாதிகள் உண்டு. அவர்கள் தமது வாழ்க்கைப் போரை நகங்களற்றும் பற்களற்றும் எங்ஙனம் நடத்த இயலும்?

இன்றும் தாழ்த்தப்பட்டவருக்கு முடி வெட்ட மறுக்கும் கிராமங்கள் உண்டு. மாட்டு வண்டியில் போனால், வண்டி ஓட்டுகிற தலித் இறங்கி நடந்து சாதி இந்துக்களின் தெருக்களைக் கடக்கும் கிராமங்கள் உண்டு. சாயாக் கடைகளில் தனிக் குவளைகள் உண்டு. கோட்டைப்புரங்கள் உண்டு. ஆதிக்கச் சாதி எதுவெனக் கண்டு, தேர்ந்து, உசிதம் போலக் கட்டுரைகள் எழுதும் அறிவுஜீவிகள் உண்டு.

வாக்குக் கொள்ளையையும், தேர்தல் வெற்றியை யும், அதிகாரத்தையும், அதன் மூலம் ஆயிரக்கணக்கில் கோடிகளையும் பெரும்பாலான அரசியல் கட்சிகள் குறிவைத்துத் திரும்பி நிற்கிறபோது, சாதி அமைப்பு கள், பதவி எனும் குருதி வாசனையில் நாவூறி, தமது அரசியல் பங்குகளைப் பறித்துக்கொள்ள அணி திரள்கின்றன. ஏற்கெனவே இங்கு ஜனநாயகம் என்பது பணநாயகம். இனி அது பண - இன நாயக மாகப் பரிணமிக்கும்.

இவ்விதச் சாதிச் சண்டைகளில் ஆள் பலமும், பண பலமும், அரசியல் பலமும் இல்லாத பல நூறு எளிய சாதிகள், எப்போதும் போல உண்டு கொழுத்து மகிழ்ந்தவர் வீசும் எச்சில் இலைகளுக்காகக் காத்துக்கிடக்கும். அவர்களுக்குத் தொண்டூழியம் செய்ய எந்தக் கந்தர்வனும் மண்ணில் கால் பாவாமல் நடந்து வர மாட்டான்.

மக்களைத் தம்முள் பிரித்து ஆளும் சூழ்ச்சியின் சுழற்காற்று மையத்தில் நாடு சகல திசைகளிலும் இழுபட்டுக்கொண்டு இருக்கிறது. ராமலிங்க வள்ளலின், மகாத்மா காந்தியின், தாதா சாகேப் அம்பேத்கரின், மகாத்மா ஃபுலேயின், பாபா ஆம்தே யின், பெரியாரின் நோக்கங்களுக்கு எதிர் திசையிலான பயணத்தை நாம் தொடங்கியாயிற்று. திரும்புதல் என்பதும் சமீபத்தில் சாத்தியம் இல்லை.

தன் படை வெட்டிச் சாதலும், சாதிகளுக்கு இடையேயான ரத்தப் பெருக்கும் அடிவானில் விஷ மேகமாகப் பொழியத் திரண்டுகொண்டு இருப்பதை கண்ணுள்ளோர் காணலாம். அதிலிருந்து தப்பிக்க நோவாவின் கப்பல் வருமா என்று தெரியவில்லை. ஏற்கெனவே விவிலியத்தில் எச்சரிக்கை வாசகம் ஒன்று உண்டு - 'God sent nova the rainbow sign. No more water, the fire next time!'

என்ன செய்யப்போகிறோம் நண்பர்களே!

- நாஞ்சில் நாடன்

நன்றி : விகடன்